بھول جائے، شہِ لولاک! دھڑکنا در پر
اس قدر کیجئے احسان دلِ مضطر پر
Bhool jaye, Shah-e-Lolak! dhadakna dar par
Is qadar kijiye ehsaan dil-e-muztar par
بھول کربھی نہیں آئے گی مصیبت در پر
نامِ سرکار کا رکھ لیجئے طغرا گھر پر
Bhool kar bhi nahi aaye gi museebat dar par
Naam-e-Sarkar ka rakh lijiye toghra ghar par
روزہم اُن کی عقیدت کے جلاتے ہیں چراغ
روشنی ہوتی ہے ہر روز ہمارے گھر پر
Roz hum un ki aqeedat ke jalate hain charagh
Roshni hoti hai har roz humare ghar par
خواب میں بھی تومیسر نہیں پیزار ان کی
کاش مل جاتی اٹھا لیتے ہم اپنے سر پر
Khawab mein bhi to muyassar nahi pezaar un ki
Kaash mil jati uthaa lete hum apne sar par
پھر درِ پاک کے پُر نور نظارے دیکھوں
پھر سے سرکار بلالیجئے اپنے در پر
Phir dar-e-paak ke pur noor nazare dekhoon
Phir se Sarkar balaa lijiye apne dar par
تو نے دیکھا ہے انہیں شمس، بتا دے اتنا
کیا کبھی ٹھہری نظر تیری رخِ انور پر
Tu ne dekha hai unhein Shams, bata de itna
Kya kabhi thehri nazar teri rukh-e-anwar par
کیوں شفیقؔ آپ طلب کرتےہیں جنت رب سے
ساری جنت تو ہیں قربان نبی کے در پر
Kyun Shafiq aap talab karte hain jannat Rab se
Saari jannat to hain qurbaan Nabi ke dar par
Share This Naat
Share with friends and family
بھول جائے، شہِ لولاک! دھڑکنا در پر
شفیق ؔ رائے پوری