اب کے برسات عجب طور سے گزری مجھ پر
بارشِ سنگ نے دھرتی کو دُھنک ڈالا ہے
Ab ke barsat ajab tor se guzri mujh par
Baarish-e-sang ne dharti ko dhunk daala hai
بوندیں یوں گرتی ہیں ‘ فولاد کی چادر پہ چٹانیں جیسے
دور تک پھیلتی وسعت میں جو تصویریں بنائی تھیں کسانوں نے
Boonden yun girti hain ' folaad ki chaadar pe chatanen jaise
Door tak phailti wusat mein jo tasweeren banai theen kisanon ne
ہری ‘ زرد ‘ سنہری ‘ بُھوری
ان میں دَر آئی ہیں معصوم لہو کی دھاریں
Hari ' zard ' sunheri ' bhoori
Un mein dar aayi hain masoom lahu ki dharein
اور انسان
وہ تخلیق کا شاہکار عظیم
Aur insaan
Woh takhleeq ka shahkar azeem
اُس کے تو چیتھڑے اُڑتے ہوئے دیکھے میں نے
کچھ بزرگوں نے یہ ارشاد کیا ہے
Us ke to cheethre udhte hue dekhe maine
Kuch buzurgon ne ye irshad kiya hai
کہ یہ سب قہرِ خداوندی ہے !
اور کل خواب میں ‘ جب
ke ye sab qahr-e-Khudawandi hai!
Aur kal khwab mein, jab
خالقِ ارض و سما سے مری مڈبھیڑ ہوئی ‘ تو میں نے
سجدے کے بعد ‘ ادب سے یہ شکایت کردی :
Khaaliq-e-arz o sama se meri mudbhir hui, to maine
Sajde ke baad, adab se ye shikayat kardi:
"۔۔۔ تُو فقط قہر نہیں ‘ مہر بھی ہے
پھر یہ شاداب زمینوں کے اُدھڑتے ہوئے بخیئے کیا ہیں ؟۔۔
"... Tu faqat qahr nahi, mehr bhi hai
Phir ye shadab zameenon ke udhrte hue bakhiye kya hain?..
اور آفاق در آفاق اُمڈتی ہوئی آواز کی یہ گونج سی دامانِ سماعت پر گری
"پھول جس شاخ پہ مرجھاتا ہے
Aur aafaq dar aafaq umadti hui awaaz ki ye goonj si daaman-e-samaat par giri
"Phool jis shaakh pe murjhata hai
پھر اُسی شاخ پہ اُگ آتا ہے !"
Phir usi shaakh pe ug aata hai!"
Share This Naat
Share with friends and family
ب کے برسات عجب طور
احمد ندیم قاسمی