بشر سے غیر ممکن ہے ثنا حضرت محمد کی
خدا کرتا ہے خود قرآن میں مِدحت محمد کی
Bashar se ghair mumkin hai sana Hazrat Muhammad ki
Khuda karta hai khud Qur'an mein midhat Muhammad ki
پسند حق ہوئی صَلِّ عَلٰی صورت محمد کی
نہ کیوں دونوں جہاں کو دل سے ہو چاہت محمد کی
Pasand Haq hui Salli 'Ala surat Muhammad ki
Na kyu donon jahaan ko dil se ho chahat Muhammad ki
ہے مژدہ مومنوں کو مَنْ رَّاٰنِیْ قَدْ رَاَ الْحَقَّ
خدا دیکھا جسے حاصل ہوئی رُویت محمد کی
Hai mushda mominon ko "Man ra'ani qad ra'al-Haqq"
Khuda dekha jise haasil hui ruyat Muhammad ki
بشر جن و مَلک ہرگز نہیں ممکن کہ پہچانیں
خدا ہی جانتا ہے رِفعت و شوکت محمد کی
Bashar jinn o malak harghiz nahin mumkin ke pehchaanain
Khuda hi jaanta hai rifat o shaukat Muhammad ki
خدا سے اپنی اُمت کے لیے پوچھا جو موسیٰ نے
تو فرمایا کہ اَفضل سب سے ہے اُمت محمد کی
Khuda se apni ummat ke liye poocha jo Musa ne
To farmaaya ke afzal sab se hai ummat Muhammad ki
ہوئے بت سرنگوں آتش کدہ میں زَلزلہ آیا
دِلوں پر چھا گئی کفار کے ہیبت محمد کی
Huwe but sar nigoon aatish kadah mein zalzalah aaya
Dilon par chha gayi kufaar ke haibat Muhammad ki
الٰہی بندئہ ناچیز کی تجھ سے دُعا یہ ہے
ترقی پر رہے دِل میں سدا اُلفت محمد کی
Ilahi bande naacheez ki tuj se duaa ye hai
Taraqqi par rahe dil mein sada ulfat Muhammad ki
بھکاری نعمتوں سے بھر رہے ہیں جھولیاں اپنی
مساکینِ جہاں پر وَقف ہے دولت محمد کی
Bhikaari ni'maton se bhar rahe hain jholiyaan apni
Masakin-e-jahaan par waqf hai daulat Muhammad ki
یہ رحمت ہے کہ دیتے ہیں دعائیں دشمنوں کو بھی
نرالی سارے عالم سے ہے ہر عادت محمد کی
Ye rahmat hai ke dete hain duaaein dushmanon ko bhi
Niraali saare aalam se hai har aadat Muhammad ki
چمکتی تھی وہ بجلی تیغِ سلطانِ رِسالت کی
فرشتے دیکھتے تھے جنگ میں صولت محمد کی
Chamakti thi wo bijli tegh-e-Sultan-e-Risalat ki
Farishtay dekhte the jang mein saulat Muhammad ki
بھرے ہیں جیب و داماں نعمتوں سے دونوں عالم کے
مگر دینے سے بھر سکتی ہے کب نیت محمد کی
Bhare hain jeeb o daama'n ni'maton se donon aalam ke
Magar dene se bhar sakti hai kab niyat Muhammad ki
محبت رکھتے ہیں محبوبِ حق اپنے غلاموں سے
خدا کو اس لیے محبوب ہے اُمت محمد کی
Muhabbat rakhte hain Mahboob-e-Haq apne ghulamon se
Khuda ko is liye mahboob hai ummat Muhammad ki
خدا اس واسطے قائم کرے گا بزمِ محشر کو
کہ دیکھیں اَولین و آخریں عزت محمد کی
Khuda is waaste qaim karega bazm-e-mahshar ko
Ke dekhein awwaleen o aakhireen izzat Muhammad ki
دِکھائی اپنی تیزی آفتابِ حشر نے جس دم
غلامانِ نبی پر چھا گئی رحمت محمد کی
Dikhai apni teezi aaftaab-e-hashr ne jis dam
Ghulaman-e-Nabi par chha gayi rahmat Muhammad ki
گنہگارو کہاں پھرتے ہو سرگرداں اِدھر آؤ
تمہاری جستجو میں پھرتی ہے رحمت محمد کی
Gunehgaaro kahan phirte ho sargardaan idhar aao
Tumhari justuju mein phirti hai rahmat Muhammad ki
جسے کہتے ہیں محشر عید ہے وہ اَہلسنّت کی
کبھی دیکھیں گے حق کو اور کبھی صورت محمد کی
Jise kehte hain mahshar Eid hai wo Ahlesunnat ki
Kabhi dekhenge Haq ko aur kabhi surat Muhammad ki
بنائے جائیں گے مہماں غلامانِ رسول اللہ
ٹھہرنے کو ملے گی حشر میں جنت محمد کی
Banaye jaayenge mehmaan ghulaman-e-Rasul Allah
Theherne ko mile gi hashr mein jannat Muhammad ki
نہ کیوں ہو ناز قسمت پر اگر اس طرح دم نکلے
زمیں پر میرا سر ہو سامنے تربت محمد کی
Na kyu ho naaz qismat par agar is tarah dam nikle
Zameen par mera sar ho samne turbat Muhammad ki
دعا ہے یہ جمیلؔ قادری کی حق تعالیٰ سے
رہے کونین میں ہم پر فزوں شفقت محمد کی
Dua hai ye Jamil Qadri ki Haq Ta'ala se
Rahe kawnain mein hum par fazun shafqat Muhammad ki
غزل اِک اَور بھی پڑھ اے جمیلؔ قادری رضوی
کہ برسے جھوم کر حضار پر رحمت محمد کی
Ghazal ek aur bhi parh ae Jamil Qadri Rizvi
Ke barse jhoom kar huzoor par rahmat Muhammad ki
Share This Naat
Share with friends and family
بشر سے غیر ممکن ہے ثنا حضرت محمد کی
جمیل الرحمن قادری