ہے بے قرار دعا جیسے مُدّعا کے بغیر
رہا گیا نہ خدا سے بھی دلربا کے بغیر
Hai be qaraar dua jaise mud-da'a ke baghair
Raha gaya na Khuda se bhi dilruba ke baghair
صراطِ حق کا تعیّن نہ کر سکی دنیَا
محمدؐ ِ عربی تیرے نقشِ پا کے بغیر
Siraat-e-haq ka ta'ayyun na kar saki duniya
Muhammad (ﷺ) e Arabi tere naqsh-e-paa ke baghair
بڑھا کے دستِ طلب مانگنا ہے بے ادبی
درِ کریم سے مِلتا ہے التجَا کے بغیر
Badh'a ke dast-e-talab maangna hai be-adabi
Dar-e-Karim se milta hai iltija ke baghair
کِسی کی بات بنی ہے نہ بن سکے گی کبھی
جہاں میں واسطہ فیضِ مصطفےٰ کے بغیر
Kisi ki baat bani hai na ban sake gi kabhi
Jahan mein waasta faiz-e-Mustafa (ﷺ) ke baghair
انہیں کی صِرف دہائی دو ڈوبنے والو
نہ پار ہوگا سفینہ یہ نا خدا کے بغیر
Inhein ki sirf dehai do doobne walo
Na paar hoga safeena yeh na Khuda ke baghair
تِری رضا کو نہ کیوں عینِ بندگی مانیں
خدا بھی ہوگا نہ راضی تِری رضا کے بغیر
Teri raza ko na kyu'n ain-e-bandagi maanein
Khuda bhi hoga na raazi teri raza ke baghair
تِرے حبیبؐ کا ادنیٰ غلام ہے خالدؔ
مِرے کریم اسے بخش دے سزا کے بغیر
Tere Habib (ﷺ) ka adna ghulam hai Khalid
Mere Karim use bakhsh de saza ke baghair
Share This Naat
Share with friends and family
ہے بے قرار دعا جیسے مُدّعا کے بغیر
خالد محمود خالد