بشر کیا لکھے گا مقامِ محمد
خود اپنا قصیدہ ہے نامِ محمد
Bashar kya likhe ga maqam-e-Muhammad
Khud apna qaseedah hai naam-e-Muhammad
بھَلے سب خدا کے ، بُرے سب ہمارے
حدیثِ محمد کلامِ محمد
Bhale sab Khuda ke, bure sab hamare
Hadees-e-Muhammad kalaam-e-Muhammad
شمیمِ مُعطر ، نسیمِ معنبر
ہوا جس طرف بھی خرامِ محمد
Shameem-e-moattar, Naseem-e-moanbar
Hawa jis taraf bhi khiraam-e-Muhammad
شعائیں کرم کی ، گھٹا رحمتوں کی
وہ صبحِ محمد، یہ شامِ محمد
Shuaen karam ki, ghata rehmaton ki
Woh subh-e-Muhammad, yeh shaam-e-Muhammad
ہر اِک کاسہ لبریز ، ہر فاصلہ طے
زِ دستِ محمد زِ گامِ محمد
Har ik kasa labrez, har fasla tay
Zey dast-e-Muhammad zey gaam-e-Muhammad
خدا ساری اُمت کو کر دے نمازی
طفیلِ رکوع و قیامِ محمد
Khuda sari ummat ko kar de namazi
Tufail-e-ruku o qayaam-e-Muhammad
یہ کعبہ کیا؟ تربیت گاہِ اُلفت
سکھاتا ہے جو احترامِ محمد
Yeh Kaaba kya? Tarbiat gaah-e-ulfat
Sikhata hai jo ehtram-e-Muhammad
بنایا محمد کو خالق نے ، آقا
بنی ساری خَلقت غلامِ محمد
Banaya Muhammad ko Khaaliq ne, Aaqa
Bani sari khalqat ghulam-e-Muhammad
یدِ مصطفیٰ میں سناتے تھے کنکر
پیامِ محمد، سلامِ محمد
Yad-e-Mustafa mein Sunate the kankar
Pegham-e-Muhammad, Salaam-e-Muhammad
نسیما! تیرے دن بھی کیسے پھرے جب
کُھلے گیسوئے مشکِ فامِ محمد
Naseema! Tere din bhi kaise phire jab
Khule gesuye mushk-e-faam-e-Muhammad
وہ ہر اُمتی کی شفاعت کریں گے
سنا دو یہ سب کو پیامِ محمد
Woh har ummati ki shafaat kareinge
Suna do yeh sab ko pegham-e-Muhammad
ادیبؔ اب کوئی خوف دل میں نہیں ہے
وہاں پر تو لکھا ہے ، نامِ محمد
Adeeb ab koi khauf dil mein nahin hai
Wahan par to likha hai, naam-e-Muhammad
Share This Naat
Share with friends and family
بشر کیا لکھے گا مقامِ محمد
حضرت ادیب رائے پوری