بس یہی اہتمام کرتے ہیں
ان کی مدحت مدام کرتے ہیں
Bas yehi ahtimaam karte hain
Un ki madahat madam karte hain
ذکرِ خیر الانام کرتے ہیں
ہم یہی ایک کام کرتے ہیں
Zikr-e-khair-ul-anaam karte hain
Hum yehi aik kaam karte hain
ہم سے عاصی بھی اے شہِ بطحا!
انتظارِ پیام کرتے ہیں
Hum se aasi bhi aye sheh-e-Bat’ha!
Intezar-e-payaam karte hain
حاضری ان کے در پہ ہو جائے
آرزو خاص و عام کرتے ہیں
Haazri un ke dar pe ho jaaye
Aarzoo khaas o aam karte hain
آپ کا در ہو اور ہمارا سر
یہ دعا صبح و شام کرتے ہیں
Aap ka dar ho aur humara sar
Ye dua subah o shaam karte hain
ہجر میں آپ کے شہِ بطحا!
میرے آنسو کلام کرتے ہیں
Hijr mein aap ke sheh-e-Bat’ha!
Mere aansoo kalaam karte hain
ان کی چوکھٹ پر تاجدار آکر
خود کو ان کا غلام کرتے ہیں
Un ki chaukhat par tajdaar aakar
Khud ko un ka ghulaam karte hain
خلد حصے میں ان کے آئے گی
ان کا جو احترام کرتے ہیں
Khuld hisse mein un ke aaye gi
Un ka jo ehteraam karte hain
سبز گنبد کی چھائوں میں آصف
دیکھئے کب قیام کرتے ہیں
Sabz gunbad ki chaaon mein Aasif
Dekhiye kab qayaam karte hain
Share This Naat
Share with friends and family
بس یہی اہتمام کرتے ہیں
محمد آصف قادری