یارب مجھے عطا ہو محبّت حضورؐ کی
بس جائے میرے دل میں عقیدت حضورؐ کی
Yarab mujhe ata ho mohabbat Huzoor ﷺ ki
Bas jaye mere dil mein aqidat Huzoor ﷺ ki
جاگوں اگر جمالِ نبی ہو نگاہ میں
سوؤں تو ہو نصیب زیارت حضورؐ کی
Jagon agar jamal-e-Nabi ho nigah mein
Soun to ho naseeb ziarat Huzoor ﷺ ki
ابھرا ہے پھر جبیں پہ عرق انفعال کا
پھر مائلِ کرم ہے عنایت حضورؐ کی
Ubhra hai phir jabeen pe araq infaal ka
Phir ma'el-e-karam hai inayat Huzoor ﷺ ki
اسریٰ بعبدہٖ کا شرف اور ہے کسے
عرشِ خدا ہے مسندِ رفعت حضورؐ کی
Isra bi abdihi ka sharaf aur hai kise
Arsh-e-khuda hai masnad-e-rafat Huzoor ﷺ ki
روزِ ازل سے تابہ ابد قرن قرن ہے
از فرش تابہ عرش حکومت حضورؐ کی
Roz-e-azal se taba abad qarn qarn hai
Az farsh taba arsh hukumat Huzoor ﷺ ki
خُورشید و ماہ تیرہ جبیں ہوں اگر نہ ہو
اس کائناتِ نُور میں طلعت حضورؐ کی
Khurshid o mah teerah jabeen hon agar na ho
Is kainat-e-noor mein tal'at Huzoor ﷺ ki
لذّت شناس جس سے مشامِ جہاں ہُوا
وہ بوئے دل نواز ہے نکہت حضورؐ کی
Lazzat shanas jis se masham-e-jahan hua
Woh booye dilnawaz hai nakhat Huzoor ﷺ ki
جس سے ہمارے ذوق کو تابندگی ملی
وہ حسنِ بے مثال ہے صورت حضورؐ کی
Jis se hamare zauk ko tabindagi mili
Woh husn-e-be misal hai soorat Huzoor ﷺ ki
نعتِ رسولِ پاک ہے لفظوں کی آبرو
زیبائشِ کلام ہے مدحت حضورؐ کی
Naat-e-Rasool-e-Pak hai lafzon ki aabroo
Zebaaish-e-kalaam hai mad'hat Huzoor ﷺ ki
رحمت ہیں آپ سارے جہانوں کے واسطے
یکساں ہے جن و انس پہ نعمت حضورؐ کی
Rehmat hain aap saare jahanon ke wastay
Yaksaan hai jinn o ins pe nemat Huzoor ﷺ ki
احسان، عدل، رحم، کرم، درگزر، عطا
ہر ایک بے مثال ہے عادت حضورؐ کی
Ehsa'an, adl, reh'm, karam, dar guzar, ata
Har aek be misal hai aadat Huzoor ﷺ ki
صدیق کو صداقتِ شاہِ امم ملی
فاروق کو ملی ہے عدالت حضورؐ کی
Siddiq ko sidaqat-e-Shah-e-ummam mili
Farooq ko mili hai adalat Huzoor ﷺ ki
عثمانِ باحیا کو سخاوت ہوئی عطا
مولا علیؑ کو جرأت و ہمت حضورؐ کی
Usman-e-bahaya ko sakhaawat hui ata
Maula Aliؑ ko jar'at o himmat Huzoor ﷺ ki
وحشت شناس بھی ہوئے تہذیب آشنا
اخلاقِ بے کراں ہے شریعت حضورؐ کی
Wahshat shinaas bhi hue tahzeeb aashna
Ikhlaq-e-bekaraan hai shariat Huzoor ﷺ ki
کھانے کو نانِ جَو ہے تو سونے کو بوریا
اللہ رے یہ طرزِ معیشت حضورؐ کی
Khanay ko naan-e-jau hai to sonay ko boriya
Allah re ye tarz-e-ma'eeshat Huzoor ﷺ ki
لرزاں ہیں جس سے قیصر و کسریٰ کے تخت و تاج
سطوت حضورؐ کی ہے یہ صولت حضورؐ کی
Larzaan hain jis se Qaiser o Kasra ke takht o taj
Sawat Huzoor ﷺ ki hai ye soulat Huzoor ﷺ ki
پتھر شکم پہ، نعرہء تکبیر لب پہ ہے
دیکھو تو استقامت و ہمت حضورؐ کی
Patthar shikam pe, na'ra-e-taqbeer lab pe hai
Dekho to istiqamat o himmat Huzoor ﷺ ki
دل پر مرے اترتے نہ مضمون نعت کے
ہوتی اگر نہ چشمِ عنایت حضورؐ کی
Dil par mere utarte na mazmoon naat ke
Hoti agar na chashm-e-inayat Huzoor ﷺ ki
شاکر گناہ گار اگر ہوں تو کیا ہوا
حصّہ ہے عاصیوں کا شفاعت حضورؐ کی
Shakir gunahgaar agar hon to kya hua
Hissa hai aasi'on ka shafa'at Huzoor ﷺ ki
Share This Naat
Share with friends and family
یارب مجھے عطا ہو محبّت حضورؐ کی
سیّد شاکر القادری چِشتی نِظامی