بارگاہ پاک میں پہنچے ثنا کرتے ہوئے
مدعا پایا ہے عرض مدعا کرتے ہوئے
Baargaah paak mein pohnche sana karte hue
Mudda paaya hai arz mudda karte hue
بے نیاز نعمت کون و مکاں ہوتے گئے
کوچہ سلطان عالم میں صدا کرتے ہوئے
Be-niyaaz ni'mat koun o makaan hote gaye
Koocha Sultan-e-Aalam mein sada karte hue
دیدہ و دل میں گل جلوہ سمٹتے ہیں کہاں
کب یہ صورت سامنے تھی التجا کرتے ہوئے
Deeda o dil mein gul jalwa samat'tay hain kahaan
Kab yeh soorat saamne thi iltija karte hue
کب مجھے تھی جاں کی پرواہ ، کب مجھے تھا سر کا ہوش
سجدہ شکر ان کی مسجد میں ادا کرتے ہوئے
Kab mujhe thi jaan ki parwaah, kab mujhe tha sar ka hosh
Sajda-e-shukar un ki masjid mein ada karte hue
کوئی آنے جانے والا ہر گھڑی نظروں میں تھا
کھوئے یو نظارہ غار حرا کرتے ہوئے
Koi aanay janay waala har ghari nazron mein tha
Khoye yoon nazaara ghaar-e-hira karte hue
لوگ چمکاتے چلے جائیں گے اپنے روز و شب
اسوہ سرکارﷺ سے کسب ضیاء کرتے ہوئے
Log chamkaatay chale jaayein ge apne roz o shab
Uswa-e-Sarkar ﷺ se kasb-e-diya karte hue
رمز ہستی ، راز فطرت، سر ذات و کائنات
ہر خبر پائی تلاش مصطفی کرتے ہوئے
Ramz-e-hasti, raaz-e-fitrat, sir-e-zaat o kainaat
Har khabar paayi talaash-e-Mustafa karte hue
التفات سید سادات کب محدود ہے
وسعت دامن بھی دیتے ہیں عطا کرتے ہوئے
Iltifaat-e-Syed-e-Saadat kab mehdood hai
Wus'at-e-daaman bhi detay hain ata karte hue
تھام کر دامن کو ان کے بے محاہا رو دیا
میں کہ گھبراتا تھا ان کا سامنا کرتے ہوئے
Thaam kar daaman ko un ke be mahaaha ro diya
Main ke ghabraata tha un ka saamna karte hue
Share This Naat
Share with friends and family
بارگاہ پاک میں پہنچے ثنا کرتے ہوئے
حفیظ تائب