اپنی ہستی حباب کی سی ہے
عمر ساری سراب کی سی ہے
Apni hasti habaab ki si hai
Umar saari saraab ki si hai
حبِ سرکار گر نہ ہو دل میں
زندگانی عذاب کی سی ہے
Hub e Sarkar gar na ho dil mein
Zindagani azaab ki si hai
ہجر طیبہ میں بے کلی ہے بہت
’’حالت اب اضطراب کی سی ہے‘‘
Hijr e Taiba mein be-kali hai bohot
''Haalat ab izteraab ki si hai''
عمرِ سرکار کا ہر اک لمحہ
سامنے اک کتاب کی سی ہے
Umar e Sarkar ka har ek lamha
Samne ek kitaab ki si hai
عاصیوں پر حضور کی رحمت
چھاؤں ٹھنڈی سحاب کی سی ہے
Aasiyon par Huzoor ki rehmat
ChhhaoN thandi sahaab ki si hai
ہے گناہوں کا بوجھ بھی سر پر
دھوپ بھی آفتاب کی سی ہے
Hai gunahoN ka bojh bhi sar par
Dhoop bhi aftaab ki si hai
آپ شاید یہاں سے گزرے ہیں
بو فضا میں گلاب کی سی ہے
Aap shayad yahaan se guzre hain
Boo fizaa mein gulaab ki si hai
یاد ان کی توانا رکھتی ہے
عمرِ پیری شباب کی سی ہے
Yaad un ki tawaana rakhti hai
Umar e peri shabaab ki si hai
یادِ طیبہ میں ہر گھڑی اپنی
اک سہانے سے خواب کی سی ہے
Yaad e Taiba mein har ghari apni
Ek sehane se khwaab ki si hai
ان کے لب کی جلیل جنبش بھی
اک مفصل خطاب کی سی ہے
Un ke lab ki jaleel junbush bhi
Ek mufassal khitaab ki si hai
Share This Naat
Share with friends and family
اپنی ہستی حباب کی سی ہے
حافظ عبدالجلیل