بن آئی تیری شفاعت سے رو سیاہوں کی
کہ فرد داخل دفتر ہوئی گناہوں کی
Ban aai teri shafaat se ro siyahon ki
Ke fard daakhil daftar hui gunahon ki
ترے فقیر دکھائیں جو مرتبہ اپنا
نظر سے اترے چڑھی بارگاہ شاہوں کی
Tere faqeer dikhayen jo martaba apna
Nazar se utre chadhi baragah shahoon ki
ذرا بھی چشم کرم ہو تو لے اڑیں حوریں
سمجھ کے سرمہ سیاہی مرے گناہوں کی
Zara bhi chashm karam ho to le uren hoorain
Samajh ke surma siyahi mere gunahon ki
خوشا نصیب جو تیری گلی میں دفن ہوئے
جناں میں روحیں ہیں ان مغفرت پناہوں کی
Khushha naseeb jo teri gali mein dafn hue
Jinan mein roohain hain un maghfirat panahoon ki
فرشتے کرتے ہیں دامان زلف حور سے صاف
جو گرد پڑتی ہے اس روضے پر نگاہوں کی
Farishtay karte hain daaman zulfe hoor se saaf
Jo gurd partihai us rozay par nigaahon ki
رکے گی آ کے شفاعت تری خریداری
کھلیں گی حشر میں جب گٹھڑیاں گناہوں کی
Rukegi aa ke shafaat teri khareedari
Khulen gi hashr mein jab gutthediyan gunahon ki
میں ناتوان ہوں پہنچوں گا آپ تک کیونکر
کہ بھیڑ ہوگی قیامت میں عذر خواہوں کی
Main naatwan hoon pohnchun ga aap tak kiun kar
Ke bheed hogi qayamat mein uzar khwahoon ki
نگاہ لطف ہے لازم کہ دور ہو یہ مرض
دبا رہی ہے سیاہی مجھے گناہوں کی
Nigah-e-lutf hai lazim ke door ho yeh maraz
Daba rahi hai siyahi mujhe gunahon ki
خدا کریم، محمدﷺ شفیع روز جزا
امیر کیا ہے حقیقت میرے گناہوں کی
Khuda karim, Muhammad ﷺ shafee roz-e-jaza
Amir kya hai haqeeqat mere gunahon ki
Share This Naat
Share with friends and family
بن آئی تیری شفاعت سے رو سیاہوں کی
امیر مینائی