بحرو بر، برگ و شجر، پانی و پتھر خاموش
روبرو آقا کے عالم ہیں سراسر خاموش
Behr-o-bar, barg-o-shajar, paani o pattar khaamosh
Roobaroo aaqa ke aalam hain sarasar khaamosh
ابنِ خطّاب تو نکلے تھے کہ سر لے آئیں
اک نظر آقا کی، اور ہوگئے تیور خاموش
Ibn-e-Khattab to nikle the ke sar le aayein
Ek nazar aaqa ki, aur hogaye tewar khaamosh
پیالہ بھر پانی میں انگشتِ مبارک کا کمال
برکتیں دیکھ کے رہ جائیں سمندر خاموش
Piyala bhar paani mein angusht-e-mubarak ka kamaal
Barkatein dekh ke reh jaayein samundar khaamosh
تابِ خورشید کہاں اور کہاں ان کے رخسار
مسکرا دیں تو ہو مہتابِ منور خاموش
Taab-e-khurshid kahaan aur kahaan unke rukhsar
Muskura dein to ho mahtaab-e-munawwar khaamosh
حرمِ مکہ میں جس وقت طواف ہوتا ہے
سنیے سنیے وہ ترنم ذرا رہ کر خاموش
Haram-e-Makka mein jis waqt tavaaf hota hai
Suniye suniye woh tarannum zara rehkar khaamosh
عشق صادق ہے تو آقا کی ثنا گائیں گے
رہ نہ پائیں گے عقیدت کے کبوتر خاموش
Ishq-e-sadiq hai to aaqa ki sana gayenge
Reh na payenge aqeedat ke kabootar khaamosh
بخشوانے وہ غلاموں کو ضرور آئیں گے
مصطفیٰ رہ نہیں سکتے سرِ محشر خاموش
Bakhshwane woh ghulaamon ko zaroor aayenge
Mustafa reh nahi sakte sar-e-mahshar khaamosh
گدڑی پہنے ہوئے اللہ کے سپاہی نکلے
جن کی ہیبت سے ہوئے روم کے لشکر خاموش
Gadri pehne hue Allah ke sipahi nikle
Jin ki haibat se hue Room ke lashkar khaamosh
سبز پوشوں کی صفوں میں وہی اوّل ٹھہرے
رعبِ لاہوتی کے آگے ہیں دلاور خاموش
Sabzposhon ki safoon mein wohi awal thehre
Raub-e-laahooti ke aage hain dilawar khaamosh
فیض ہے کلکِ رضا کا یہ ہے مرشد کا کرم
نظمی کی نعتیں سنیں رہ کے سخنور خاموش
Faiz hai kalk-e-Raza ka yeh hai murshid ka karam
Nizami ki naatein sunein reh ke sukhanwar khaamosh
Share This Naat
Share with friends and family
بحرو بر، برگ و شجر، پانی و پتھر خاموش
سید آل رسول حسنین میاں برکاتی نظمی