بخشا ہے ایسا نعت نے اسلوبِ دلکشی
کاغذ پہ آ گئی ہے مدینے کی روشنی
Bakhsha hai aisa naat ne asloob-e-dilkashi
Kaghaz pe aa gayi hai madiine ki roshni
ہر نفس آگہی کا دمکتا ہے ایک چاند
حضرت صہیبؓ و بوذرؓ و سلمانؓ فارسی
Har nafas aaghi ka damakta hai ek chaand
Hazrat Sohaibؓ o Bozarؓ o Salmanؓ Farsi
پتھر ہیں، ریگ زار ہے سورج کی تیز دھوپ
کس نے کہا کہ زیست میں آساں ہے عاشقی
Patthar hain, reg zaar hai sooraj ki tez dhoop
Kis ne kaha ke zeest mein aasan hai aashiqi
دل میں نبیؐ کے شہر کے منظر اتر گئے
رہتی ہے اب مدینے میں ہر لمحہ حاضری
Dil mein nabiؐ ke shehar ke manzar utar gaye
Rehti hai ab madiine mein har lamha haaziri
قیدِ فراق بھی مجھے کرتی نہیں ملول
آتی ہے میرے کام حضوری کی شاعری
Qaid-e-firaaq bhi mujhe karti nahi malool
Aati hai mere kaam hazoori ki shaairi
مرنے کے بعد ڈھانپے گی میرے سبھی گناہ
پختہ ہے میری خاکِ مدینہ سے دوستی
Marne ke baad ddhampay gi mere sabhi gunah
Pokhta hai meri khaak-e-madiina se dosti
ہیں رحمتِ حضورؐ کی انساں نوازیاں
حامل ہے ان کے لطف کا عصیاں شعار بھی
Hain rahmat-e-huzoorؐ ki insaan nawaziyan
Hamill hai un ke lutf ka isyaaan shaar bhi
دلکش بہت ہے گلشنِ ہستی مگر ہمیں
محبوب تر ہے سرورِؐ کونین کی گلی
Dilkash bohot hai gulshan-e-hasti magar hamen
Mahboob tar hai sarwar-eؐ kounain ki gali
حرمت نبیؐ کی ہم کو دو عالم سے ہے عزیز
قربان ان کے نام پہ طاہرؔ ہے زندگی
Hurmat nabiؐ ki ham ko do aalam se hai aziz
Qurbaan un ke naam pe Tahirؔ hai zindagi
Share This Naat
Share with friends and family
بخشا ہے ایسا نعت نے اسلوبِ دلکشی
پروفیسر محمد طاہر صدیقی