بادشاہی کی ہے نہ زر کی تلاش
ہے مجھے بس تری نظر کی تلاش
Baadshahi ki hai na zar ki talash
Hai mujhe bas teri nazar ki talash
نافیِٔ لا کے بابِ رحمت سے
خالی پلٹی اگر مگر کی تلاش
Nafi-e-la ke bab-e-rehmat se
Khaali palti agar magar ki talash
طوفِ روضہ کی آرزو تن کو
سر کو ہے تیرے سنگ در کی تلاش "
Tof-e-rouzah ki aarzu tan ko
Sar ko hai tere sang dar ki talash
عفو خود ڈھونڈتا ہو جرم جہاں
کیا وہاں کیجے درگزر کی تلاش
Afu khud dhondhta ho jurm jahan
Kya wahan kije darguzar ki talash
عاصیوں کو وہاں وہ ڈھونڈیں گے
بھولے مادر جہاں پسر کی تلاش
Aasiyon ko wahan vo dhondhen ge
Bhoole madar jahan pasar ki talash
جب ہو محبوب کو خبر ساری
تو ہے بے سود نامہ بر کی تلاش
Jab ho mehboob ko khabar saari
To hai be sood nama bar ki talash
خوشبوئے رہ سے تارے کرتے تھے
اپنے مہکے ہوئے قمر کی تلاش
Khushbooe reh se tare karte the
Apne mehke hue qamar ki talash
ہے معظمؔ کو بہرِ مدحِ فصیح
فکرِ نو ، حرفِ معتبر کی تلاش
Hai Moazzam ko behar-e-madh-e-faseeh
Fikr-e-no, harf-e-moatabar ki talash
Share This Naat
Share with friends and family
بادشاہی کی ہے نہ زر کی تلاش
معظم سدا معظم مدنی