باغ جنت کے ہیں بہرِ مَدح خوانِ اَہلِ بیت
تم کو مژدہ نار کا اے دُشمنانِ اَہلِ بیت
Baagh jannat ke hain bahr-e madah khwan-e Ahl-e Bait
Tum ko mujda naar ka ae dushmanan-e Ahl-e Bait
کس زباں سے ہو بیاں عز و شانِ اَہل بیت
مَدح گوئے مصطفی ہے مَدح خوانِ اَہل بیت
Kis zabaan se ho bayaan izz o shaan-e Ahl-e Bait
Madah goye Mustafa hai madah khwan-e Ahl-e Bait
ان کی پاکی کا خدائے پاک کرتا ہے بیاں
آیۂ تطہیر سے ظاہر ہے شانِ اَہل بیت
Un ki paaki ka Khudae pak karta hai bayan
Aayah-e Tatheer se zahir hai shaan-e Ahl-e Bait
مصطفیٰ عزت بڑھانے کے لیے تعظیم دیں
ہے بلند اِقبال تیرا دُودمانِ اَہل بیت
Mustafa izzat barhanay ke liye taazim dein
Hai buland iqbal tera doodman-e Ahl-e Bait
اُن کے گھرمیں بے اجازت جبرئیل آتے نہیں
قدر والے جانتے ہیں قدر و شانِ اَہل بیت
Un ke ghar mein be ijaazat Jibreel aate nahi
Qadr wale jaante hain qadr o shaan-e Ahl-e Bait
مصطفٰی بائع خریدار اس کا اَللّٰہ مشتری
خوب چاندی کر رہا ہے کاروانِ اَہل بیت
Mustafa baa'ei' khareedaar us ka Allah mushtari
Khoob chandee kar raha hai karwaan-e Ahl-e Bait
رَزم کا میداں بنا ہے جلوہ گاہِ ُحسن و عشق
کربلا میں ہو رہا ہے اِمتحانِ اَہل بیت
Razm ka maidan bana hai jalwah gaah-e husn o ishq
Karbala mein ho raha hai imtihaan-e Ahl-e Bait
پھول زخموں کے کھلائے ہیں ہوائے دوست نے
خون سے سینچا گیا ہے گلستانِ اَہل بیت
Phool zakhmon ke khilaye hain hawaye dost ne
Khoon se seencha gaya hai gulistan-e Ahl-e Bait
حوریں کرتی ہے عروسانِ شہادت کا سنگار
خوبرو دولھا بنا ہے ہر جوانِ اَہل بیت
Hoorain karti hain aroosaan-e shahadat ka singhaar
Khoobroo dolha bana hai har jawan-e Ahl-e Bait
ہو گئی تحقیق عید دید آبِ تیغ سے
اپنے روزے کھولتے ہیں صائمانِ اَہل بیت
Ho gayi tahqiq Eid deed aab-e tegh se
Apne rozay khoolte hain Saaimaan-e Ahl-e Bait
جمعہ کا دن ہے کتابیں زِیست کی طے کر کے آج
کھیلتے ہیں جان پر شہزادگان اَہل بیت
Jumma ka din hai kitabein zeest ki tay kar ke aaj
Kheltay hain jaan par shehzadgaan-e Ahl-e Bait
اے شبابِ فصلِ گل یہ چل گئی کیسی ہوا
کٹ رہا ہے لہلہاتا بوستانِ اَہل بیت
Ae shabab-e fasl-e gul yeh chal gayi kaisi hawa
Kat raha hai lehrata boostan-e Ahl-e Bait
کس شقی کی ہے حکومت ہائے کیا اَندھیر ہے
دن دِہاڑے لٹ رہا ہے کاروانِ اَہل بیت
Kis shaqi ki hai hakoomat haaye kya andher hai
Din dihaaray lut raha hai karwaan-e Ahl-e Bait
خشک ہو جا خاک ہو کر خاک میں مل جا فرات
خاک تجھ پر دیکھ تو سوکھی زبانِ اَہل بیت
Khushk ho ja khaak ho kar khaak mein mil ja Furaat
Khaak tujh par dekh tu sookhi zubaan-e Ahl-e Bait
خاک پر عباس و عثمانِ علمبردار ہیں
بیکسی اب کون اُٹھائے گا نشانِ اَہل بیت
Khaak par Abbas o Usman-e alambardaar hain
Be kasi ab kaun uthaye ga nishaan-e Ahl-e Bait
تیری قدرت جانور تک آب سے سیراب ہوں
پیاس کی شدت میں تڑپے بے زبانِ اَہل بیت
Teri qudrat janwar tak aab se siraab hon
Pyaas ki shiddat mein tarpay bezubaan-e Ahl-e Bait
قافلہ سالار منزل کو چلے ہیں سونپ کر
وارثِ بے وارثاں کو کاروانِ اَہل بیت
Qafila salaar manzil ko chale hain soanp kar
Waaris-e be waarisan ko karwaan-e Ahl-e Bait
فاطمہ کے لاڈلے کا آخری دیدار ہے
حشر کا ہنگامہ برپا ہے میانِ اَہل بیت
Fatima ke laadlay ka aakhri deedaar hai
Hashr ka hungaama barpa hai mayan-e Ahl-e Bait
وقت رخصت کہہ رہا ہے خاک میں ملتا سہاگ
لو سلامِ آخری اے بیوگانِ اَہل بیت
Waqt-e rukhsat keh raha hai khaak mein milta suhag
Lo salaam-e aakhri ae bewaagaan-e Ahl-e Bait
اَبر فوجِ دشمناں میں اے فلک یوں ڈوب جائے
فاطمہ کا چاند مہر آسمانِ اَہل بیت
Abr fauj-e dushmanan mein ae falak yoon doob jaye
Fatima ka chaand mehr aasman-e Ahl-e Bait
کس مزے کی لذ تیں ہیں آبِ تیغِ یار میں
خاک و خوں میں لوٹتے ہیں تشنگانِ اَہل بیت
Kis maze ki lizatain hain aab-e tegh-e yaar mein
Khaak o khoon mein loot'te hain tishnaan-e Ahl-e Bait
باغِ جنت چھوڑ کر آئے ہیں محبوبِ خدا
اے زہے قسمت تمہاری کشتگانِ اَہل بیت
Baag-e jannat chhod kar aaye hain mahboob-e Khuda
Ae zahe qismat tumhari kushtgaan-e Ahl-e Bait
حوریں بے پردہ نکل آئی ہیں سر کھولے ہوئے
آج کیسا حشر ہے یارب میانِ اَہل بیت
Hoorain be parda nikal aayi hain sar kholay huwaye
Aaj kaisa hashr hai yarab mayan-e Ahl-e Bait
کوئی کیوں پوچھے کسی کو کیا غرض اے بیکسی
آج کیسا ہے مریضِ نیم جانِ اَہل بیت
Koi kyun pooche kisi ko kya gharaz ae be kasi
Aaj kaisa hai mareez-e neem jaan-e Ahl-e Bait
گھر لٹانا جان دینا کوئی تجھ سے سیکھ جائے
جانِ عالم ہو فدا اے خاندانِ اَہل بیت
Ghar lutana jaan dena koi tujh se seekh jaye
Jaan-e aalam ho fida ae khaandaan-e Ahl-e Bait
سر شہیدانِ محبت کے ہیں نیزوں پر بلند
اَور اُونچی کی خدا نے قدر و شانِ اَہل بیت
Sar shahedan-e muhabbat ke hain neezon par buland
Aur oonchee ki Khuda ne qadr o shaan-e Ahl-e Bait
دولت دیدار پائی پاک جانیں بیچ کر
کربلا میں خوب ہی چمکی دُکانِ اَہل بیت
Dau'lat deedaar paayi paak jaanen bech kar
Karbala mein khoob hi chamki dukaan-e Ahl-e Bait
زخم کھانے کو تو آبِ تیغ پینے کو دیا
خوب دعوت کی بلا کر دشمنانِ اَہل بیت
Zakhm khanay ko to aab-e tegh peene ko diya
Khoob dawat ki bula kar dushmanan-e Ahl-e Bait
اپنا سودا بیچ کر بازار سونا کر گئے
کونسی بستی بسائی تاجرانِ اَہل بیت
Apna sauda bech kar bazaar sona kar gaye
Kaunsi basti basayi tajiraan-e Ahl-e Bait
اَہل بیت پاک سے گستاخیاں بے باکیاں
لَعْنَۃُ اللہِ عَلَیْکُم دشمنانِ اَہل بیت
Ahl Bait paak se gustaakhiyan be baakiyan
L'A'ANATULLAHI 'ALAYKUM dushmanan-e Ahl-e Bait
بے ادب گستاخ فرقہ کو سنا دے اے حسنؔ
یوں کہا کرتے ہیں سنی داستانِ اَہل بیت
Be adab gustaakh firqa ko suna dey ae Hasanؔ
Yoon kaha karte hain Sunni daastaan-e Ahl-e Bait
Share This Naat
Share with friends and family
باغ جنت کے ہیں بہرِ مَدح خوانِ اَہلِ بیت
حسن رضا خان