پڑے مجھ پر نہ کچھ اُفتاد یاغوث
مدد پر ہو تیری اِمداد یاغوث
Pare mujh par na kuch uftaad Yaa Ghaus
Madad par ho teri imdaad Yaa Ghaus
اُڑے تیری طرف بعد فنا خاک
نہ ہو مٹی مری برباد یاغوث
Ude teri taraf ba'ad fana khaak
Na ho mitti meri barbaad Yaa Ghaus
مِرے دل میں بسیں جلوے تمہارے
یہ وِیرانہ بنے بغداد یاغوث
Mere dil mein basen jalwe tumhare
Ye weerana bane Baghdad Yaa Ghaus
نہ بھولوں بھول کر بھی یاد تیری
نہ یاد آئے کسی کی یاد یاغوث
Na bhoolun bhool kar bhi yaad teri
Na yaad aaye kisi ki yaad Yaa Ghaus
مُرِیْدِیْ لَا تَخَف فرماتے آؤ
بلاؤں میں ہے یہ ناشاد یاغوث
Muridi laa takhaf farmate aao
Balaon mein hai ye naashaad Yaa Ghaus
گلے تک آ گیا سیلاب غم کا
چلا میں آئیے فریاد یاغوث
Gale tak aa gaya selaab gham ka
Chala mein aaye faryaad Yaa Ghaus
نشیمن سے اُڑا کر بھی نہ چھوڑا
ابھی ہے گھات میں صیاد یاغوث
Nasheman se udaa kar bhi na chhoda
Abhi hai ghaat mein siyaad Yaa Ghaus
خمیدہ سر گرفتارِ قضا ہے
کشیدہ خنجر جلاد یاغوث
Khamida sar giriftaar-e-qaza hai
Kashida khanjar jalaad Yaa Ghaus
اندھیری رات جنگل میں اکیلا
مدد کا وقت ہے فریاد یاغوث
Andheri raat jangal mein akela
Madad ka waqt hai faryaad Yaa Ghaus
کھلا دو غنچۂ خاطر کہ تم ہو
بہارِ گلشنِ اِیجاد یاغوث
Khula do gundha-e-khaatir ke tum ho
Bahaar-e-gulshan-e-ijad Yaa Ghaus
مِرے غم کی کہانی آپ سن لیں
کہوں میں کس سے یہ رُوداد یاغوث
Mere gham ki kahani aap sun lein
Kahun mein kis se ye roodaad Yaa Ghaus
رہوں آزاد قید عشق کب تک
کرو اِس قید سے آزاد یاغوث
Rahun aazaad qaed ishq kab tak
Karo is qaed se aazaad Yaa Ghaus
کرو گے کب تک اچھا مجھ بُرے کو
مِرے حق میں ہے کیا ارشاد یاغوث
Karo ge kab tak achha mujh bure ko
Mere haq mein hai kya irshad Yaa Ghaus
غمِ دنیا غمِ قبر و غمِ حشر
خدارا کر دے مجھ کو شاد یاغوث
Gham-e-duniya gham-e-qabr o gham-e-hashr
Khudara kar do mujh ko shaad Yaa Ghaus
حسنؔ منگتا ہے دیدے بھیک داتا
رہے یہ راج پاٹ آباد یاغوث
Hasan Mangta hai dide bheek data
Rahe ye raaj paat aabaad Yaa Ghaus
Share This Naat
Share with friends and family
پڑے مجھ پر نہ کچھ اُفتاد یاغوث
حسن رضا خان