بہ حکمِ رب کریں گے مدحتِ سرکار جنت میں
سنیں گے بر سرِ منبر شہِ ابرار جنت میں
Ba hukm-e-Rab karein ge madah-e-Sarkar jannat mein
Sunein ge bar sar-e-minbar Shah-e-abrar jannat mein
اگر ہو لب کشائی کی اجازت مرحمت ہم کو
کریں گے یا رسول اللہ کی تکرار جنت میں
Agar ho lab kushai ki ijazat marhmat hum ko
Karein ge Ya Rasool Allah ki takrar jannat mein
عمر بائیں طرف بیٹھے ہوں پہلوئے لطافت میں
اگر دائیں طرف بیٹھے ہوں یارِ غار جنت میں
Umar baain taraf baithe hon pehlu-e-latafat mein
Agar daain taraf baithe hon Yaar-e-ghar jannat mein
وہیں عثمان ذوالنورین بھی تشریف فرما ہوں
وہیں جلوہ فگن ہوں حیدرِ کرار جنت میں
Wahin Usman Zulnureen bhi tashreef farma hon
Wahin jalwa fagan hon Haider-e-Karrar jannat mein
اِدھر حسنین بیٹھے دیکھتے ہوں اپنے نانا کو
اُدھر بیٹھے ہوئے ہوں ساجدِ بیمار جنت میں
Idhar Hasanain baithe dekhte hon apne nana ko
Udhar baithe hue hon Sajid-e-beemar jannat mein
پسِ پردہ نشستیں امہات المومنیں کی ہوں
وہیں ہوں دخترانِ واقفِ اسرار جنت میں
Pas-e-parda nashisten Ummahat ul Momineen ki hon
Wahin hon dukhtaran-e-waqif-e-asrar jannat mein
صفوں میں سامنے بیٹھے ہوں سارے شاعرِ مدحت
پڑھیں سب باری باری نعتیہ اشعار جنت میں
Safon mein samne baithe hon sare shair-e-madah
Padhein sab bari bari naatiyah ashaar jannat mein
کبھی حسان کے ہونٹوں پہ ہوں اشعار مدحت کے
کبھی ہو کعب کا حرفِ ثنا ضو بار جنت میں
Kabhi Hassan ke honthon pe hon ashaar madah ke
Kabhi ho Kaab ka harf-e-sana zobar jannat mein
کبھی بوصیری کو بردہ سنانے کو کہا جائے
کبھی سعدی کھڑے ہوں بوستاں بردار جنت میں
Kabhi Busiri ko burdah sunane ko kaha jaye
Kabhi Saadi kharay hon boostaan bardar jannat mein
کبھی مدحت کناں ہوں حافظ و جامی سرِ محفل
کبھی ٹھہرے ہوں خسرو داد کے حق دار جنت میں
Kabhi madah kanan hon Hafiz o Jami sar-e-mahfil
Kabhi thehray hon Khusro dad ke haq dar jannat mein
کبھی ہوں اعلیٰ حضرت کے حسیں اشعار جلوہ گر
کبھی ہوں محوِ مدحت حضرتِ عطار جنت میں
Kabhi hon Ala Hazrat ke haseen ashaar jalwa gar
Kabhi hon mahw-e-madah Hazrat-e-Attar jannat mein
کبھی مظہر کبھی تائب کبھی رائے پُری آئیں
ریاضِ معتبر کو ہم سنیں دو بار جنت میں
Kabhi Mazhar kabhi Taib kabhi Ray Puri aein
Riyaz-e-moatabar ko hum sunein do baar jannat mein
صبیح و سرور و جرال پڑھتے ہوں ترنم سے
سمیعہ ناز کے اشعار ہوں دَمدار جنت میں
Sabih o Sarwar o Giral padhtay hon tarannum se
Samiya Naz ke ashaar hon damdar jannat mein
کبھی بہزاد ناعت ہوں کبھی شہزاد احمد ہوں
کرے ثاقب بھی ذکرِ گیسوئے خمدار جنت میں
Kabhi Behzad naat karo kabhi Shehzad Ahmed hon
Kare Saqib bhi zikr-e-gesu-e-khamdar jannat mein
کبھی خالد کبھی عارف کبھی صادق کبھی واجد
کبھی عبدالغنی تائب کریں اظہار جنت میں
Kabhi Khalid kabhi Arif kabhi Sadiq kabhi Wajid
Kabhi Abdul Ghani Taib karein izhar jannat mein
کبھی میسور سے فاضل میاں محظوظ فرمائیں
سنیں مقصود کے بھی نعتیہ شہکار جنت میں
Kabhi Mysore se Fazil Miyan mahsos farmaen
Sunein Maqsood ke bhi naatiyah shahkar jannat mein
کبھی عرفی کبھی واحد کبھی نوری کبھی افضل
کبھی الیاس بابر کی سنیں چہکار جنت میں
Kabhi Urfi kabhi Wahid kabhi Noori kabhi Afzal
Kabhi Ilyas Babar ki sunein chehkar jannat mein
حزیں، تابش، حسین امجد بکھیریں پھول مدحت کے
کریں خورشید مرزا نعت سے سرشار جنت میں
Hazin, Tabish, Husain Amjad bikherein phool madah ke
Karein Khursheed Mirza naat se sarshar jannat mein
قمر، خیرِ کثیر، احمد رضا خدامِ محفل ہوں
نقابت راجا کوثر کا ہو کاروبار جنت میں
Qamar, Khair-e-Kaseer, Ahmed Raza khuddam-e-mahfil hon
Naqabat Raja Kausar ka ho karobaar jannat mein
الہٰی! میرے سب احباب کو رتبے عطا کرنا
سبھی ، نعت آشنا ، ہوں صاحبِ دستار جنت میں
Ilahi! mere sab ahbab ko rutbe ata karna
Sabhi, naat aashna, hon sahab-e-dastar jannat mein
بھلے ہو جوتیوں میں، ہو وہیں اشفاق ناعت بھی
پکارا جائے کہہ کر شاعرِ دربار جنت میں
Bhale ho jootiyon mein, ho wohin Ashfaq naat bhi
Pukara jaye keh kar shair-e-darbar jannat mein
Share This Naat
Share with friends and family
بہ حکمِ رب کریں گے مدحتِ سرکار جنت میں
اشفاق احمد غوری