اے سکونِ قلب مضطر اے قرارِ زندگی
اے امینِ رازِ فطرت، اے بہارِ زندگی
Ae sakoon-e-qalb-e-muztar ae qarar-e-zindagi
Ae ameen-e-raaz-e-fitrat, ae bahar-e-zindagi
تیری ہر ہر جنبشِ لب برگ و بارِ زندگی
تو دیارِ عش میں ہے شہریارِ زندگی
Teri har har janbesh-e-lab barg o bar-e-zindagi
Tu dayar-e-ishq mein hai shehryar-e-zindagi
تیرے قدموں کی بدولت تیری آمد کے طفیل
گلستاں ہی گلستاں ہے خارزارِ زندگی
Tere qadmon ki badolat teri aamad ke tufail
Gulistan hi gulistan hai kharzar-e-zindagi
تیرا قربِ خاص پا کر تیرے دستِ پاک میں
سنگریزے بن گئے ہیں شاہکارِ زندگی
Tera qurb-e-khaas pa kar tere dast-e-paak mein
Sangrezay ban gaye hain shahkar-e-zindagi
جس نے پائی تیری نسبت ہوگیا وہ ذی وقار
اے فروغِ ادمیت، اے وقارِ زندگی
Jis ne payi teri nisbat hogaya wo zi waqar
Ae farogh-e-adamiyat, ae waqar-e-zindagi
نعت کیا ہے در حقیقت نغمہ زار زندگی
کیونکہ جس کی نعت ہے وہ ہے قرارِ زندگی
Naat kya hai dar haqeeqat naghma zar zindagi
Kyunke jis ki naat hai wo hai qarar-e-zindagi
شاعرانِ حُسنِ فطرت ، صاحبانِ درک و فہم
ہے قدم بوسی میں ہر اک وضع دارِ زندگی
Sha'iran-e-husan-e-fitrat, sahibaan-e-darak o faham
Hai qadambosi mein har ek waz' dar-e-zindagi
درس تیرا ظالموں سے جنگ ، مظلوموں سے پیار
کتنی سادہ ہو گئی ہے رہ گذارِ زندگی
Dars tera zalimon se jang, mazloomon se pyar
Kitni saadah ho gayi hai rah guzar-e-zindagi
آدمی کو آدمی سے پیار کا نسخہ دیا
تو طبیبِ خلق ہے ، تیمار دارِ زندگی
Aadmi ko aadmi se pyar ka nuskha diya
Tu tabeeb-e-khalq hai, teemar dar-e-zindagi
تو نے آکر دی نگاہوں کو بصیرت حُسن کی
ورنہ تھی محدود لفظوں میں ، بہارِ زندگی
Tu ne aakar di nigaahon ko baseerat husn ki
Warna thi mehdood lafzon mein, bahar-e-zindagi
تو نے صحرائے تخیل میں لگائے گلستاں
اور چٹانوں سے نکالے آبشارِ زندگی
Tu ne sahraye takhayul mein lagaye gulistan
Aur chatano se nikale aabshar-e-zindagi
گونج اُٹھے نغمے لگائی تو نے جب مضرابِ عشق
بربطِ فطرت پہ تھا خاموش تارِ زندگی
Goonj uthe naghme lagayi tu ne jab mizrab-e-ishq
Barbat-e-fitrat pe tha khamosh taar-e-zindagi
بے خبر دنیا و مافیہا سے تو نے کردیا
کیا شرابِ زندگی ہے ، کیا خمارِ زندگی
Be khabar duniya o mafiha se tu ne kardiya
Kya sharab-e-zindagi hai, kya khumar-e-zindagi
روح و جاں کی سلطنت پر حکمرانی ہے تری
ہم غلامِ عشق ہیں ، تو تاجدارِ زندگی
Rooh o jaan ki saltanat par hukmarani hai teri
Hum ghulam-e-ishq hain, tu tajdar-e-zindagi
عشق کی دیوانگی کے سامنے سب ہیچ ہیں
توڑ دیتی ہے محبت، ہر حصارِ زندگی
Ishq ki diwaangi ke samne sab heech hain
Tord deti hai mohabbat, har hisaar-e-zindagi
تیرے پائے ناز کا اک لمس پا کر ہے رواں
چھن چھناتی ، گنگناتی جوئبارِ زندگی
Tere paaye naaz ka ek lams pa kar hai rawaan
Chhan chanati, gungunati joeybar-e-zindagi
تیری توصیف و ثناء و مدح سے آراستہ
ہے ادیبِؔ خوش بیاں کا نغمہ زارِ زندگی
Teri tauseef o sana o madh se aarasta
Hai Adeeb-e-khush bayan ka naghma zar-e-zindagi
Share This Naat
Share with friends and family
اے سکونِ قلب مضطر اے قرارِ زندگی
حضرت ادیب رائے پوری