اے قاسمِ الطاف و عطا سیدِ لولاکؐ
جھکتا ہے ترےؐ در پہ مرا خامہء اِدراک
Ae Qasim-e-altaf-o-ata Sayyid-e-Lolakؐ
Jhukta hai tereؐ dar pe mera khama-e-idraak
اے وجہ تب و تابِ جہاں نورِ مجسم
ہوتا ہے ترےؐ نام سے ظلمت کا جگر چاک
Ae wajah tab o taab-e-jahan noor-e-mujassam
Hota hai tereؐ naam se zulmat ka jigar chaak
اُمّت کے لیے روتے رہے سجدے میں شب بھر
اُمّت کے گناہوں نے کیا آپؐ کو غمناک
Ummat ke liye rote rahe sajde mein shab bhar
Ummat ke gunahon ne kiya aapؐ ko ghamnaak
ہے عِلم ہی میراث شہِ اُمّی لقبؐ کی
لائے ہیں نبیؐ عالمِ عرفان کی پوشاک
Hai ilm hi meeras Shah-e-ummi laqabؐ ki
Laaye hain Nabiؐ alam-e-irfaan ki poshaak
بجتے ہیں سرِ فرش ترے حسن کے ڈنکے
ہوتے ہیں ترے نام کے چرچے سرِ افلاک
Bajte hain sar-e-farsh tere husn ke dinke
Hote hain tere naam ke charche sar-e-aflaak
کب ہو گی عطا مجھ کو حضوری کی اجازت
ہے منتظرِ دید مرا دیدئہ نمناک
Kab ho gi ata mujh ko huzuri ki ijaazat
Hai muntazir-e-deed mera deeda-e-namnaak
کب ہوں گے ہرے حسرتِ دیدار کے اشجار
اشفاقؔ کا سینہ تریؐ فرقت میں ہے صد چاک
Kab honge hare hasrat-e-deedaar ke ashjaar
Ashfaqؔ ka seena teriؐ furqat mein hai sad chaak
Share This Naat
Share with friends and family
اے قاسمِ الطاف و عطا سیدِ لولاکؐ
اشفاق احمد غوری