اے حبیبِ خدا میرے پیارے نبی، بے کسوں کا سہارا ترا نام ہے
کیوں نہ دنیا ترے نام پر ہو فِدا جب خدا کو بھی پیارا ترا نام ہے
Ae Habeeb-e-Khuda mere pyare Nabi, be kason ka sahara tera naam hai
Kyun na duniya tere naam par ho fida jab Khuda ko bhi pyara tera naam hai
یہ زمیں آسماں یہ مکاں لامکاں تیرے دم سے ہے روشن یہ سارا جہاں
عرش کی رونقیں فرش کی محفلیں دو جہاں کا نظارا ترا نام ہے
Yeh zameen aasman yeh makaan laamakan tere dam se hai roshan yeh saara jahan
Arsh ki raunaqeen farsh ki mehfileen do jahan ka nazara tera naam hai
منتہائے کرم رحمتِ دو جہاں شافعی عاصیاں مونس بے کساں
اس کی قسمت بھلی اس کی مشکل ٹلی جس کسی نے پکارا ترا نام ہے
Muntahay-e-karam rahmat-e-do jahan shafi-i-asiyaan mohnis be kasaan
Is ki qismat bhali is ki mushkil tali jis kisi ne pukara tera naam hai
روزِ محشر نہ کوئی بھی حامی بنا اک سہارا ترا نامِ نامی بنا
اس گھڑی جو مصیبت میں کام آئے گا رحمتوں کا اشارا ترا نام ہے
Roz-e-mahshar na koi bhi haami bana ek sahara tera naam-e-nami bana
Us ghari jo museebat mein kaam aaye ga rahmaton ka ishaara tera naam hai
آبرو سے جئے آبرو سے مرے فکرِ عقبےٰ ظہوریؔ بھلا کیوں کرے
کوئی غم کیسے نزدیک آئے بھلا جب وظیفہ ہمارا ترا نام ہے
Aabroo se jiye aabroo se mare fikr-e-uqba Zahoori bhala kyun kare
Koi gham kaise nazdeek aaye bhala jab wazifa humara tera naam hai
Share This Naat
Share with friends and family
اے حبیبِ خدا میرے پیارے نبی، بے کسوں کا سہارا ترا نام ہے
محمد علی ظہوری