مدینے کی جنّت مرے سامنے ہے
جمالِ رسالت مرے سامنے ہے
Madine ki jannat mere samne hai
Jamal-e-Risalat mere samne hai
ہٹے درمیاں سے زمانوں کے پردے
وہ دورِ سعادت مرے سامنے ہے
Hate darmiyan se zamano ke parday
Wo dor-e-Saadat mere samne hai
احد کے قوی ہاتھ پھیلے ہوئے ہیں
کہ آغوشِ رحمت مرے سامنے ہے
Uhud ke qawi hath phele hue hain
Ke aaghosh-e-Rehmat mere samne hai
کلس گنبدِ سبز پر ہے فروزاں
مرا نجمِ قسمت مرے سامنے ہے
Kalas Gunbad-e-Sabz par hai furozan
Mera najm-e-Qismat mere samne hai
مواجہ پہ سر کو جھکائے کھڑا ہوں
ہر امکانِ رفعت مرے سامنے ہے
Muwajah pe sar ko jhukaye khada hoon
Har imkaan-e-Rif'at mere samne hai
قبا میں نوافل ادا کر رہا ہوں
نرالی بشارت مرے سامنے ہے
Quba mein Nawafil ada kar raha hoon
Nirali Basharat mere samne hai
عمل میں بھی عکس آپ کے چاہتا ہوں
نئی اک مسافت مرے سامنے ہے
Amal mein bhi aaks aap ke chahta hoon
Nayi ik Masafat mere samne hai
حرم سے نئے ولولے لارہا ہوں
طریقِ اطاعت مرے سامنے ہے
Haram se naye walwale laro raha hoon
Tareeq-e-It'at mere samne hai
کھڑا بابِ کعبہ پہ ہوں اور تائب
پیمبرؐ کی صورت مرے سامنے ہے
Khada Bab-e-Ka'aba pe hoon aur Taib
Paighambar ki soorat mere samne hai
Share This Naat
Share with friends and family
مدینے کی جنّت مرے سامنے ہے
حفیظ تائب