اوج ہم خواب کا بھی دیکھیں گے
قسمتِ باصرہ بھی دیکھیں گے
Ooj hum khwab ka bhi dekhenge
Qismat-e basira bhi dekhenge
جب سنیں گے اذان طیبہ میں
شوکتِ سامعہ بھی دیکھیں گے
Jab sunenge azan e taiba mein
Shaukat-e samia bhi dekhenge
چھو کے جالی لبوں سے روضے کی
عظمتِ لامسہ بھی دیکھیں گے
Chhoo ke jali labon se roze ki
Azmat-e lamsa bhi dekhenge
پی کے زمزم جلو میں روضے کے
شامہ و ذائقہ بھی دیکھیں گے
Peeke zam zam jalo mein roze ke
Shama o zaiqa bhi dekhenge
راستہ دیکھ لیں مدینے کا
خلد کا راستہ بھی دیکھیں گے
Rasta dekh lein madine ka
Khuld ka rasta bhi dekhenge
ابتدا لائی ہے مدینے میں
عشق کی انتہا بھی دیکھیں گے
Ibtida layi hai madine mein
Ishq ki inteha bhi dekhenge
ہے مواجہ حضورؐ کا دیکھا
جلوۂ مصطفیٰؐ بھی دیکھیں گے
Hai muwajjah huzoor ﷺ ka dekha
Jalwa-e Mustafa ﷺ bhi dekhenge
لا الہ سے الہ کو پہنچے ہیں
نورِ صلِّ علیٰ بھی دیکھیں گے
La ilaha se Ilah ko puhnche hain
Noor-e salli ala bhi dekhenge
لب پہ ان کا درود رہتا ہے
کہ کے ان کی ثنا بھی دیکھیں گے
Lab pe un ka darood rehta hai
Keh ke un ki sana bhi dekhenge
خاکِ طیبہ کو چوم کر طاہرؔ
دردِ دل کی دوا بھی دیکھیں گے
Khaak e taiba ko choom kar Tahir
Dard-e dil ki dawa bhi dekhenge
Share This Naat
Share with friends and family
اوج ہم خواب کا بھی دیکھیں گے
پروفیسر محمد طاہر صدیقی