عرب کے مہ جبیںؐ کی آب و تاب لاجواب ہے
ہزاروں پھول ہیں مگر گلاب لاجواب ہے
Arab ke meh jabeen ki aab o taab lajawab hai
Hazaron phool hain magar gulaab lajawab hai
زوال سے ہے بے خطر گہن کے داغ سے ورا
امامِ انبیاءؐ کا ماہ تاب لاجواب ہے
Zawal se hai be khatar gahan ke daagh se wra
Imam-e-Ambiyaa ka maah taab lajawab hai
کمال ! ضابطہ حیات کا ہے سیرت النبیؐ
دیا جو آپؐ نے ہمیں نصاب لاجواب ہے
Kamaal! zabta e hayat ka hai Seerat un Nabi
Diya jo aap ne hame nasab lajawab hai
عطا ہوئی قلم کو نعتِ مصطفیؐ کی نوکری
نوازشِ کریم بے حساب لاجواب ہے
Ata hui qalam ko naat e Mustafa ki nokri
Nawazish e Kareem be hisaab lajawab hai
تمام ہی عبادتیں ہیں لائقِ جزا وہاں
مگر درودِپاک کا ثواب لاجواب ہے
Tamam hi ibaadatein hain laiq e jazaa wahan
Magar darood e paak ka sawaab lajawab hai
عظیم تر ہے آبِ ’’سلسبیل‘‘ یہ بجا سہی
جو انگلیوں سے بہہ رہا تھا آب لاجواب ہے
Azeem tar hai aab e "Salsabeel" yeh baja sahi
Jo ungliyon se beh raha tha aab lajawab hai
رئوفؐ بھی رحیمؐ بھی کریمؐ بھی ہیں مصطفیؐ
خدا نے جو عطا کیا خطاب لاجواب ہے
Ra'oof bhi Raheem bhi Kareem bhi hain Mustafa
Khuda ne jo ata kiya khitab lajawab hai
چُنا حضورؐ کو تمام انبیاءؐ کا رہنما
خدائے لم یزل کا انتخاب لاجواب ہے
Chuna Huzoor ko tamam Ambiyaa ka rehnuma
Khu-da-e-lam yazal ka intikhab lajawab hai
Share This Naat
Share with friends and family
عرب کے مہ جبیںؐ کی آب و تاب لاجواب ہے
اشفاق احمد غوری