حُبِ رسولؐ بھی نہیں خوفِ خدا نہیں
کچھ بھی ہمارے دل میں بدی کے سوا نہیں
Hub-e-Rasoolؐ bhi nahi khauf-e-khuda nahi
Kuch bhi hamare dil mein badi ke siwa nahi
تقویٰ عبث ہے زہد کسی کام کا نہیں
گر دل میں تیرے حُبِ شہِ دوسراؐ نہیں
Taqwa abas hai zahed kisi kaam ka nahi
Gar dil mein tere hub-e-sheh-e-dosraؐ nahi
ہر خاص و عام پاتا ہے فیضِ درِ نبیؐ
محروم ان کے در سے کوئی لوٹتا نہیں
Har khas o aam pata hai faiz-e-dar-e-nabiؐ
Mahroom un ke dar se koi loot'ta nahi
رب کے حضور ہوگی نہ تیری دعا قبول
شامل اگر وسیلۂ خیر الوریٰ نہیں
Rab ke huzoor hogi na teri dua qubool
Shamil agar waseela-e-khair-ul-wara nahi
عشقِ نبیؐ یہ کیسا ہے سن کر نبیؐ کا نام
تیری زباں پہ کلمۂ صلِ علیٰ نہیں
Ishq-e-nabiؐ ye kaisa hai sun kar nabiؐ ka naam
Teri zuban pe kalma-e-sal-e-ala nahi
طیبہ میں جو کٹے ہے وہی حاصلِ حیات
طیبہ سے دور جینے میں کوئی مزہ نہیں
Tayba mein jo katee hai wahi hasil-e-hayat
Tayba se dour jeene mein koi maza nahi
حسن و جمالِ روئے پیمبر کا ذکر کیا
اس آئنے کے مثل کوئی آئنہ نہیں
Husn o jamal-e-roye paigambar ka zikr kya
Us aine ke misal koi aaina nahi
رحمت کی اِک نگاہ ادھر بھی مرے حضورؐ
بیچارگی کے دن ہیں کوئی ہم نوا نہیں
Rehmat ki ik nigah idhar bhi mairay huzoorؐ
Bechargi ke din hain koi hum nawa nahi
لائے کوئی مثالِ پیمبر کہاں سے جب
دنیا میں کوئی مثلِ پیمبر ہوا نہیں
Laaye koi misal-e-paigambar kahan se jab
Duniya mein koi misal-e-paigambar hua nahi
احسؔن وہ نامراد ہیں دونوں جہان میں
ہاتھوں میں جن کے دامنِ خیر الوریٰ نہیں
Ahsan woh namuraad hain dono jahaan mein
Hatho mein jin ke daman-e-khair-ul-wara nahi
Share This Naat
Share with friends and family
حُبِ رسولؐ بھی نہیں خوفِ خدا نہیں
احسن اعظمی