چراغِ نعت سے تاریکیاں تنویر کرتا ہوں
حریمِ دل سجانے کی یہی تدبیر کرتا ہوں
Chiragh-e-naat se tareekiyan tanweer karta hoon
Hareem-e-dil sajane ki yahi tadbeer karta hoon
فرشتے بھی ہمہ تن گوش ہو جاتے ہیں، جس لمحے
شہِ ہر دو سرا کا ذکرِ پر تاثیر کرتا ہوں
Farishtay bhi hama tan gosh ho jatay hain, jis lamhe
Sheh-e-har do sara ka zikr-e-par taseer karta hoon
خوشی سے جھومنے لگتے ہیں قرطاس و قلم میرے
میں جب اسمِ شہِ کون و مکاں تحریر کرتا ہوں
Khushi se jhoomne lagtay hain qartaas o qalam mere
Main jab ism-e-sheh-e-koun o makaan tehreer karta hoon
تخیل میں جبینِ شوق رکھ کر ان کی چوکھٹ پر
ہمیشہ یونہی خوابِ دید کو تعبیر کرتا ہوں
Takhaiyul mein jabeen-e-shauq rakh kar un ki chaukhat par
Hamesha yoon hi khwab-e-deed ko tabeer karta hoon
سجا کر نعت کے مصرعوں میں ہجرِ سرورِ عالم
سہانے دردِ فرقت کی بڑی تشہیر کرتا ہوں
Saja kar naat ke misron mein hijr-e-sarwar-e-aalam
Suhane dard-e-furqat ki bari tasheer karta hoon
میں اکثر دیکھتا ہوں خواب میں خود کو مواجہ پر
میں اس خوابِ طرب آثار کی توقیر کرتا ہوں
Main aksar dekhta hoon khwab mein khud ko mawajah par
Main is khwab-e-tarab aasar ki tauqeer karta hoon
حروفِ مدحتِ شاہِ زمن کو خشت و گل کر کے
مکانِ خلد اپنے ہاتھ سے تعمیر کرتا ہوں
Huroof-e-madhat-e-shah-e-zaman ko khisht o gil kar ke
Makaan-e-khald apne haath se tameer karta hoon
غلامانِ محمد کے لئے ہوں انگبیں، لیکن
برائے بے ادب نوکِ زباں شمشیر کرتا ہوں
Ghulaaman-e-Muhammad ke liye hoon angbeen, lekin
Baraye be-adab noke-zubaan shamsheer karta hoon
ابھر آتا ہے نقشِ گنبدِ خضریٰ نگاہوں میں
میں جوں ہی کینوس پر جذبِ دل تصویر کرتا ہوں
Ubhar aata hai naqsh-e-gumbad-e-khazra nigaahon mein
Main joon hi canvas par jazb-e-dil tasveer karta hoon
Share This Naat
Share with friends and family
چراغِ نعت سے تاریکیاں تنویر کرتا ہوں
اشفاق احمد غوری