عرب دی ریت وچ تردے ستارے یاد آگئے نے
میں تاں روناں واں طیبہ دے نظارے یاد آگئے نے
Arab di ret vich turrde sitare yaad aagaye ne
Main tan ronaan waan Taibah day nazare yaad aagaye ne
نظر اٹھی تے اُٹھی رہ گئی سی پاک روضے ول
نظر پتھرائی وچ ہنجواں دے دھارے یاد آگئے نے
Nazar uthi te uthhi reh gayi si paak roza wal
Nazar pathraai vich hanjwaan de dharay yaad aagaye ne
کِتے فریاد ہندی ہی کِتے سن سسکیاں ہاواں
اوہ منظر درد دے سارے دے سارے یاد آگئے نے
Kitay fariyad hundi hi, kitay sun suskiyaan haawaan
O oh manzar dard de sare de sare yaad aagaye ne
میں کیوں نہ جان تائیں اوہناں دے لیکھے ای لا دیواں
جو میری جان توں مینوں پیارے یاد آگئے نے
Main kyu na jaan taan oho na de leeke ei la dewaan
Jo meri jaan toon mainu piyaare yaad aagaye ne
محلاں اُچیاں تائیں محبت نال کیوں ویکھاں
حلیمہ سعدیہ دے کچے ڈھارے یاد آگئے نے
Mehlaan uchiyan taaen mohabbat naal kyu wekhawaan
Haleema Saadiya de kachay dharay yaad aagaye ne
نہ ہُن مینوں ڈراؤ واعظو میرے گناہواں توں
میرے ڈھولن دی رحمت دے اشارے یاد آگئے نے
Na hun mainu darawoa Waiazow meray gunahwaan toon
Mere dholan di rehmat de ishaaray yaad aagaye ne
میرے لوں لوں چ صائم چلدیاں نے غم دیاں چھریاں
خدا جانے ایہہ کیہڑے غم دے مارے یاد آگئے نے
Mere loon loon ch Saim chaldiyan ne gham diyaan chhuriyan
Khuda jaane eh kihray gham de maaray yaad aagaye ne
Share This Naat
Share with friends and family
عرب دی ریت وچ تردے ستارے یاد آگئے نے
علامہ صائم چشتی