کوئی کہیں ہو اگر آپؐ کی نگاہ میں ہے
خُدا کے بعد وہ سب سے بڑی پناہ میں ہے
Koi kahin ho agar Aapؐ ki nigah mein hai
Khuda ke baad woh sab se bari panah mein hai
جوارِ امن میں ہے راستی کی راہ میں ہے
جو قلب سایۂ دامانِ دیں پناہ میں ہے
Jawar-e-amn mein hai rasti ki rah mein hai
Jo qalb saya-e-daman-e-deen panah mein hai
نہ یہ جمال کسی کے جلال میں دیکھا
نہ ایسا عجز کسی بھی جہاں پناہ میں ہے
Na yeh jamal kisi ke jalal mein dekha
Na aisa ajz kisi bhi jahan panah mein hai
تمام کون و مکاں اُنؐ کی مملکت کے نشان
جہانِ بُود و نبُود اُنؐ کی بارگاہ میں ہے
Tamam kon o makaan unؐ ki mamlakat ke nishan
Jahan-e-bood o nabood unؐ ki bargah mein hai
جو وہؐ بلائیں تو پہنچوں جو وہؐ سُنیں تو کہُوں
ابھی تو ذوقِ طلب حسرتوں کی راہ میں ہے
Jo wohؐ bulayen to pahunchoon jo wohؐ sunen to kahon
Abhi to zauwq-e-talab hasraton ki rah mein hai
یہ اور کِس سے کہُوں میں کہ حسرتِ دیدار
مسافروں کی طرح مدتوں سے راہ میں ہے
Yeh aur kis se kahoon mein ke hasrat-e-deedar
Musafiron ki tarah muddaton se rah mein hai
حضُورؐ اذنِ حضُوری ملے تو عرض کریں
ہمارا حال عجب حالتِ تباہ میں ہے
Huzoorؐ izn-e-huzoori mile to arz karen
Hamara haal ajab haalat-e-tabah mein hai
شعُورِ فکر سے محرُوم اُمّتِ مرحُوم
حِصار ذات سے نکلی تو خانقاہ میں ہے
Shaoor-e-fikr se mehroom ummat-e-marhoom
Hisaar zaat se nikli to khanqah mein hai
Share This Naat
Share with friends and family
کوئی کہیں ہو اگر آپؐ کی نگاہ میں ہے
حنیف اسعدی