عقل محدود ہے عشق ہے بیکراں یہ مکاں اَور ہے لامکاں اَور ہے
راہ میں انکی سدرہ ہے گردِ سفر وہ جہاں تک گئے وہ جہاں اَور ہے
Aqal mehdood hai ishq hai bekaran ye makaan aur hai laamakaan aur hai
Raah mein unki sidrah hai gard-e safar woh jahan tak gaye woh jahan aur hai
آج مہکی ہوئی ہے فضائے جہاں آج بزمِ جہاں کا سماں اَور ہے
رونق افروز ہیں خود حبیبِ خدا آج سامانِ تسکین ِ جاں اَور ہے
Aaj mehki hui hai faza-e jahan aaj bazm-e jahan ka samaan aur hai
Ronaq afroz hain khud Habeeb-e Khuda aaj saaman-e taskeen-e jaan aur hai
اَور کیا چیز یہ ذوقِ عرفان ہے صرف طرزِ نظر ہی کا فیضان ہے
عقل والوں نے کچھ اور سمجھا تمہیں عشق والوں کا لیکن گماں اَور ہے
Aur kya cheez ye zauq-e irfaan hai sirf tarz-e nazar hi ka faizan hai
Aqal walon ne kuch aur samjha tumhein ishq walon ka lekin gumaan aur hai
بخششِ حق کے آثار ہی اس جگہ میرا ایماں ہے سرکارؐ ہیں اس جگہ
جس جگہ ذکرِ سرور کے انوار ہیں وہ فضا اَور ہے وہ سماں اَور ہے
Bakhshish-e Haq ke aasar hi is jagah mera imaan hai Sarkarؐ hain is jagah
Jis jagah zikr-e Sarwar ke anwar hain woh faza aur hai woh samaan aur hai
جس کے صدقے سے قائم ہے ہر آستاں جس پہ قربان تقدیسِ کون و مکاں
آستانے تو بیشک بُہت ہیں مگر وہ کرم آفریں آستاں اَور ہے
Jis ke sadqe se qaim hai har aastan jis pe qurbaan taqdees-e koun o makaan
Aastaane to beshak bohat hain magar woh karam afreen aastan aur hai
کیوں حجابوں میں الجھی ہوئی ہے نظر ایسا طرزِ نظر تو نہیں معتبر
حُسنِ شمس و قمر میں یہ تابش کہاں کوئی در پردہ جلوہ فشاں اَور ہے
Kyun hijabon mein uljhi hui hai nazar aisa tarz-e nazar to nahi muatabar
Husn-e shams o qamar mein ye taabish kahan koi dar parda jalwah fashan aur hai
اک بیاں وہ ہے جسمیں حضوری نہیں اک بیاں ایسا ہے جسمیں دوری نہیں
جس کو سن کر مدینہ ہی بن جائے دل اہل دل کا وہ حُسن ِ بیاں اَور ہے
Ek biyan woh hai jismein huzoori nahi ek biyan aisa hai jismein doori nahi
Jis ko sun kar Madina hi ban jaye dil ahl-e dil ka woh husn-e biyan aur hai
خاکِ پایہ بھی رو می و جامی کی ہے اک سند یہ بھی انکی غلامی کی ہے
پھر بھی کہتے ہیں خالدؔ کے بارے مین سب نعت میں اسکا رنگِ بیاں اور ہے
Khaak-e paya bhi Rumi o Jaami ki hai ek sanad ye bhi unki ghulami ki hai
Phir bhi kehte hain Khalidؔ ke baray mein sab naat mein iska rang-e biyan aur hai
Share This Naat
Share with friends and family
عقل محدود ہے عشق ہے بیکراں
خالد محمود خالد