اپنی ڈیوڑھی کا بھکاری مجھے کردیں شاہا
خالی دامن میرا خیرات سے بھر دیں شاہا
Apni deodhi ka bhikari mujhe karden shaha
Khali daaman mera khairat se bhar den shaha
آپ کے نام سے اوروں میں بھی تقسم کروں
اتنی خیرات تو مجھ کو اگر دیں شاہا
Aap ke naam se oron mein bhi taqseem karun
Itni khairat to mujh ko agar den shaha
اور تو کچھ نہیں مانگا میرے آقا میں نے
ایک بار مجھے اذنِ سفر دیں شاہا
Aur to kuch nahi manga mere aqa mein ne
Ek baar mujhe izn-e-safar den shaha
ہر گھڑی روضہء اقدس ہو تصّور میں مرے
بند آنکھوں کو بھی توفیقِ نظر دیں شاہا
Har ghari roza-e-aqdas ho tasawwur mein mere
Band aankhon ko bhi taufiq-e-nazar den shaha
روزِ محشر جو شفاعت کا وسیلہ ٹھہرے
میری ہر نعت کو کچھ ایسا ہنر دیں شاہا
Roz-e-mahshar jo shafa'at ka waseela thehre
Meri har naat ko kuch aisa hunar den shaha
جس کے ہر آنسو پہ رحمت کو ترس آجائے
مجھ گنہگار کو وہ دیدہء تر دیں شاہا
Jis ke har aansoo pe rehmat ko taras aajaye
Mujh gunahgaar ko woh dida-e-tar den shaha
دل پہ اک چوٹ لگے‘ آنکھوں سے آنسو ٹپکے
میری نعتوں کو وہ اعجاز اثر دیں شاہا
Dil pe ik chot lage, aankhon se aansoo tapke
Meri naaton ko woh ejaz asar den shaha
مجھ کو بس خاک قدم اپنی عطا فرمادیں
کوئی جاگیر نہ دیں اور نہ زر دیں آقا
Mujh ko bas khak-e-qadam apni ata farma den
Koi jageer na den aur na zar den aqa
وہ میسر ہو زمیں پر کہ زمیں کے نیچے
اپنے قدموں ہی میں اقبؔال کو گھر دیں شاہا
Woh mayassar ho zameen par ke zameen ke neeche
Apne qadamoun hi mein Iqbal ko ghar den shaha
Share This Naat
Share with friends and family
اپنی ڈیوڑھی کا بھکاری مجھے کردیں شاہا
پروفیسراقبال عظیم