آپ کی جلوہ گری ہوتی نہ گر منظورِ حق
پھر نہ ہوتے عرش و کرسی چاند سورج گل شفق
Aap ki jalwa gari hoti na gar manzoor-e-haq
Phir na hote arsh o kursi chaand sooraj gul shafaq
ہو گئے اس وقت سارے چہرۂ کفار فق
جب کیا سرکار نے فاران سے اعلانِ حق
Ho gaye is waqt saare chehra e kuffar faq
Jab kiya sarkar ne Faran se ilan-e-haq
ہو گیا جلوہ فگن جب دینِ حق کا آفتاب
گلشنِ ہستی میں آئی موسمِ گل کی رمق
Ho gaya jalwa fagan jab deen e haq ka aftab
Gulshan e hasti mein aayi mausam e gul ki raq
صبحِ بطحا شامِ طیبہ کا عجب نظارہ ہے
دیکھ کر شیدائے نظارہ ہوا رنگِ شفق
Subah e Batha shaam e Taiba ka ajab nazara hai
Dekh kar sheeda e nazara hua rang e shafaq
ہو مبارک، اب جہاں میں عدل گستر آگئے
لڑکیوں سے اب نہ چھینا جائے گا جینے کا حق
Ho mubarak, ab jahan mein adl gastar agaye
Ladkiyon se ab na cheena jaye ga jeene ka haq
بے زباں پتھر نے پایا ہے گواہی کا شرف
جبنشِ انگشتِ سرور سے ہوا مہتاب شق
Be zuban patthar ne paaya hai gawahi ka sharaf
Jumbish e angusht e Sarwar se hua mahtab shaq
وہ شبِ معراج شانِ رفعتِ ذاتِ نبیؐ
آپ کے زیرِ قدم تھے عرش کے ساتوں طبق
Wo shab e Me'raj shan e rifat e zaat e Nabiؐ
Aap ke zair e qadam the arsh ke saatun tabaq
سنگِ اسود نصب کرنے میں ہوئے فیصل جب آپؐ
کر دیا آسان پل میں مسٔلہ تھا جو ادق
Sang e Aswad nasb karne mein hue faisal jab aapؐ
Kar diya asan pal mein mas'la tha jo adaq
یا خدا کردے عطا اس درد کا درماں نصیب
قلبِ احسؔن میں ہے ہجرِ کوئے طیبہ کا قلق
Ya Khuda karde ata is dard ka darman naseeb
Qalb-e-Ahsan mein hai hijr e kuwe Taiba ka qalaq
Share This Naat
Share with friends and family
آپ کی جلوہ گری ہوتی نہ گر منظورِ حق
احسن اعظمی