انوار سے سَجا ہُوا ایوانِ نعت ہے
مِدحت مِرے حضورؐ کی عرفانِ نعت ہے
Anwar se saja hua aewan-e-naat hai
Midhat mere huzoor ki irfan-e-naat hai
طیبہ کی ہر گلی میں ہے مہکار اس لئے
ہر گام پر کِھلا ہُوا بُستانِ نعت ہے
Tayba ki har gali mein hai mehkaar is liye
Har gaam par khila hua bustan-e-naat hai
قرآنِ پاک ذکر ہے خُلقِ عظیم کا
اس كکا ہر ایک لفظ ہی عُنوانِ نعت ہے
Quran-e-pak zikr hai khulq-e-azeem ka
Is ka har aik lafz hi unwan-e-naat hai
ہر شعبۂ حیات نے پائی ہے روشنی
’’ہر شعبۂ حیات میں امکانِ نعت ہے‘‘
Har shuba-e-hayat ne paayi hai roshni
“Har shuba-e-hayat mein imkan-e-naat hai”
ذکرِ حبیبِ کبیریا ؐ ہے جلوہ گر یہاں
صد شکر ہے کہ دل مِرا جزدانِ نعت ہے
Zikr-e-habib-e-kibriya hai jalwa gar yahan
Sad shukar hai ke dil mera juzdan-e-naat hai
میں کیوں کہوں کہ مُفلس و نادار ہوں جلیل
زادِ سفر میں جب مِرے سامانِ نعت ہے
Main kyun kahun ke muflis o nadar hun Jaleel
Zaad-e-safar mein jab mere saman-e-naat hai
Share This Naat
Share with friends and family
انوار سے سَجا ہُوا ایوانِ نعت ہے
حافظ عبدالجلیل