اندھیرے کفر کے تو نے مٹا دیے مولیٰ
چراغِ ملتِ بیضا جلا دیے مولیٰ
Andhere kufr ke to ne mita diye moula
Charagh-e-millat-e-bayza jala diye moula
رسول بھیج کے گم گشتگانِ منزل کو
نجات پانے کے رستے بتا دیے مولیٰ
Rasool bhej ke gum gushtagan-e-manzil ko
Najaat pane ke raste bata diye moula
حرم کو پاک کیا کفر کے خداؤں سے
سرِ غرور بتوں کے جھکا دیے مولیٰ
Haram ko paak kiya kufr ke khudaon se
Sar-e-ghuroor buton ke jhuka diye moula
برائے امنِ جہاں تو نے دستِ سرور سے
چراغ ظلم و ستم کے بجھا دیے مولیٰ
Baraye aman-e-jahan to ne dast-e-sarwar se
Charagh zulm o sitam ke bujha diye moula
نبی ؐ کے دامنِ رحمت سے کر کے وابستہ
جو سنگ ریزے تھے کندن بنا دیے مولیٰ
Nabi (ﷺ) ke daman-e-rehmat se kar ke wabasta
Jo sang reze the kundan bana diye moula
جہاں کو تو نے کیا مقصدِ حیات عطا
شعور بخشے سلیقے سکھا دیے مولیٰ
Jahan ko to ne kiya maqsad-e-hayat ata
Shaoor bakshe saleeqa sikha diye moula
نبیؐ کو کرنا تھا مبعوث اس لیے تو نے
زمین و عرش کے عالم سجا دیے مولیٰ
Nabi (ﷺ) ko karna tha mab'oos is liye to ne
Zameen o arsh ke alam saja diye moula
ترا کرم ہے کہ تصدیقِ مصطفیٰؐ کے لیے
شجر حجر سے بھی کلمے پڑھا دیے مولیٰ
Tera karam hai ke tasdeeq-e-Mustafa (ﷺ) ke liye
Shajar hajr se bhi kalme pad'ha diye moula
تری ذرا سی عطا کا تھا ملتجی احسنؔ
کرم نوازی کے دریا بہا دیے مولیٰ
Teri zara si ata ka tha multaji Ahsan
Karam nawazee ke darya baha diye moula
Share This Naat
Share with friends and family
اندھیرے کفر کے تو نے مٹا دیے مولیٰ
احسن اعظمی