عمل سے نکہتِ عشقِ رسولؐ پیش کرو
کلام ِ پاک کا شانِ نزول پیش کرو
Amal se nikh'at-e-ishq-e-Rasool ﷺ paish karo
Kalam-e-Pak ka shan-e-nazool paish karo
اس اہتمام سے نعتِ رسولؐ پیش کرو
ادب سے پہلے درودوں کے پھول پیش کرو
Is ahtimam se naat-e-Rasool ﷺ paish karo
Adab se pehle duroodon ke phool paish karo
کسی طرح بھی دعا مدعا سے دور نہیں
درِ کرم پہ قلبِ ملول پیش کرو
Kisi tarah bhi dua mada se door nahi
Dar-e-karam pe qalb-e-malool paish karo
مریض ِ ہجر کے زخموں کا یہ علاج نہیں
ہٹاؤ پھول مدینے کی دُھول پیش کرو
Mareez-e-hijr ke zakhmon ka yeh ilaj nahi
Hatao phool, Madine ki dhoo'l paish karo
جو چاہتے ہیں ہو محبت کا ضابطہ ہو کوئی
محبتوں کا کوئی تو اصول پیش کرو
Jo chahte hain ho mohabbat ka zabita ho koi
Mohabbatonn ka koi toh asool paish karo
غلام ِ صاحبِ معراج ہیں بحمداللہ
ہمارے سامنے راہوں کا طول پیش کرو
Ghulam-e-Sahib-e-Mairaaj hain bihamdillah
Hamare samne raahon ka toool paish karo
قبولیت کی مہک تو کبھی نہیں چھپتی
کلام میں کوئی رنگِ قبول پیش کرو
Qabooliyat ki mehak toh kabhi nahi chup'ti
Kalam mein koi rang-e-qabool paish karo
یہی ہے عشق کی تبلیغ معتبر خالدؔ
فقط حضورؐ کے پیارے اصول پیش کرو
Yahi hai ishq ki tableegh mo’tabar Khalid
Faqat Huzoor ﷺ ke pyare asool paish karo
Share This Naat
Share with friends and family
عمل سے نکہتِ عشقِ رسولؐ پیش کرو
خالد محمود خالد