آمادہ شر پھر ہیں ستم گر مرے آقاؐ
اُمّت کی خبر لے مرے سرورؐ، مرے آقاؐ
Aamada sharr phir hain sitamgar mere Aqaؐ
Ummat ki khabar le mere sarwarؐ, mere Aqaؐ
افغانیوں پر کوہِ الم ٹوٹ پڑا ہے
خو نر یز ہیں کہسار کے منظر مرے آقاؐ
Afghaniyon par koh-e-alam toot para hai
Khoonrezi hain kehsaar ke manzar mere Aqaؐ
مسموم و شرربار ہیں کابل کی فضائیں
مغموم ہیں شمشاد و صنوبر مرے آقاؐ
Masmom o shararbar hain Kabul ki fazaen
Magmoom hain shimshaad o sanobar mere Aqaؐ
ہے سطوتِ محمودؒ مسلماں سے گلہ مند
غزنی کا ہر اک ذرّہ ہے مضطر مرے آقاؐ
Hai satwat-e-Mahmoodؒ musalman se gila mand
Ghazni ka har ik zarra hai muztarr mere Aqaؐ
پھر بھیک ہمیں قوّتِ حیدر کی عطا ہو
اک حشر بپا ہے پس خیبر مرے آقاؐ
Phir bheek humein qowat-e-Haider ki ata ho
Ek hashr bapa hai pas Khyber mere Aqaؐ
فریاد کناں ہیں در و دیوارِ فلسطین
ہیں نوحہ بلب مسجد و منبر مرے آقاؐ
Faryaad kanha hain dar o deewar-e-Falasteen
Hain noha ba lab masjid o minbar mere Aqaؐ
نبیوں کی زمیں منتظرِ حرفِ اذاں ہے
پہنچے کوئی اسلام کا لشکر مرے آقاؐ
Nabiyon ki zameen muntazir-e-harf-e-azan hai
Pohnche koi Islam ka lashkar mere Aqaؐ
سازش سے یُہود اور نصارایٰ کی جہاں میں
توحید کے فرزند ہیں بے گھر مرے آقاؐ
Saazish se yuhud aur nasaraayi ki jahan mein
Tauheed ke farzand hain beghar mere Aqaؐ
صیہونیت افرنگ کے بل پر ہے تنومند
غازی ترے دم سے ہیں تونگر مرے آقاؐ
Sahiyoniyat afrangi ke bal par hai tanomand
Ghaazi tere dam se hain tan o nagar mere Aqaؐ
ہر دَورِ پُر آشوب میں اک تیری دُعا نے
بدلا ہے مسلماں کا مقّدر مرے آقاؐ
Har daur-e-pur aashob mein ik teri dua ne
Badla hai musalman ka muqaddar mere Aqaؐ
توفیق ِ جہاد اُمّتِ آخر کو بھی مل جائے
طاغوت صف آرا ہے جو کھُل کر مرے آقاؐ
Tawfeeq-e-jihad ummat-e-aakhir ko bhi mil jaye
Taghoot saf ara hai jo khul kar mere Aqaؐ
پھر غلبہ اسلام ہو آفاق میں ہر سُو
تائب کو یہ حسرت ہے برابر مرے آقا
Phir ghalba Islam ho aafaq mein har su
Taaib ko ye hasrat hai barabar mere Aqaؐ
Share This Naat
Share with friends and family
آمادہ شر پھر ہیں ستم گر مرے آقاؐ
حفیظ تائب