تمہی محبوبِ رب العالمیں ہو
دلِ انسان پر مسند نشیں ہو
Tumhi mahboob-e-Rab ul Aalameen ho
Dil-e-insaan par masnad nasheen ho
یہی ہے منزلِ معراجِ مومن
تمہارے نقشِ پا پر خم جبیں ہو
Yehi hai manzil-e-me'raaj-e-momin
Tumhaare naqsh-e-paa par kham jabeen ho
تمہی ہو نازشِ جن و بشر بھی
تمہی آقاؐ امام المرسلیں ہو
Tumhi ho naazish-e-jinn o bashar bhi
Tumhi aqa (PBUH) Imam ul Mursaleen ho
مرا مقصود ہو تیری اطاعت
تری ہر بات پر حق القیں ہو
Mera maqsad ho teri itaat
Teri har baat par haqq-ul-yaqeen ho
جو تیرے عشق میں زندہ رہا ہو
پھر اُس کی موت بھی کتنی حسیں ہو
Jo tere ishq mein zinda raha ho
Phir us ki maut bhi kitni haseen ho
بھٹکتا در بدر آیا ہوں آقاؐ
ترا در ہی مقامِ آخریں ہو
Bhatakta dar ba dar aaya hoon aqa (PBUH)
Tera dar hi maqaam-e-aakhireen ho
ذرا نظرِکرم اِس سرزمیں پر
کہ تم تو رحمت العالمیں ہو
Zara Nazar-e-Karam is sar zameen par
Ke tum to Rahmat-ul-Aalameen ho
مری نسلوں کی نظروں میں بھی آقاؐ
مقدم ہو تو بس دینِ مبیں ہو
Meri naslon ki nazron mein bhi aqa (PBUH)
Muqaddam ho to bas deen-e-mubeen ho
دمِ آخر ہو لب پر ذکر تیرا
ترے انوار کی بھی چودہویں ہو
Dam-e-aa'khar ho lab par zikr tera
Tere anwaar ki bhi chaudhveen ho
شکیلؔ اچھے ہیں سب الفاظ تیرے
مگر کردار بھی تو دل نشیں ہو
Shakeel (RA) achay hain sab alfaaz tere
Magar kirdar bhi to dil nasheen ho
Share This Naat
Share with friends and family
تمہی محبوبِ رب العالمیں ہو
محمد شکیل نقشبندی