اللہ کا طاہر پہ کرم خوب ہوا ہے
ہونٹوں پہ سدا حمدِ خدا حمدِ خدا ہے
Allah ka Tahir pe karam khoob hua hai
Honto pe sada hamd-e-Khuda hamd-e-Khuda hai
رب سب سے بڑا سب سے بڑا سب سے بڑا ہے
ہم کو یہ سبق سیّدِ عالم نے دیا ہے
Rab sab se bara sab se bara sab se bara hai
Hum ko ye sabaq Sayyid-e-Alam ne diya hai
قادر ہے ہر اک شئے پہ وہی مالک و مولا
اس کے ہی تصرف میں فنا اور بقا ہے
Qadir hai har ek shay pe wohi malik o maula
Us ke hi tasarruf mein fana aur baqa hai
یہ شمس و قمر نور جو دیتے ہیں جہاں کو
اِن کی دمک سب ان کی چمک رب کی عطا ہے
Ye shams o qamar noor jo dete hain jahan ko
In ki damak sab in ki chamak Rab ki ata hai
یہ بات بھی قرآن سے ثابت ہے بلا شک
شہ رگ سے جو نزدیک ہے وہ سچّا خدا ہے
Ye baat bhi Quran se saabit hai bila shak
Sheh rag se jo nazdik hai woh sachcha Khuda hai
مالک وہی اپنا جو ہے رازق و خالق
جو کچھ بھی مِلا ہم کو فقط رب سے مِلا ہے
Malik wohi apna jo hai raziq o khaliq
Jo kuch bhi mila hum ko faqat Rab se mila hai
دل سے جو کبھی ذکرِ خدا میں نے کیا ہے
اک نور سا آنگن میں مرے پھیل گیا ہے
Dil se jo kabhi zikr-e-Khuda maine kiya hai
Ek noor sa angan mein mere phel gaya hai
ممکن ہی نہیں شانِ خداوند بیاں ہو
طاہرؔ یہی قرآنِ مبیں بول رہا ہے
Mumkin hi nahin shan-e-Khudawand bayan ho
Tahir yahi Quran-e-Mubeen bol raha hai
Share This Naat
Share with friends and family
اللہ کا طاہر پہ کرم خوب ہوا ہے
طاہر سلطانی