یا رب! ملی مجھے یہ نوا تیرے فضل سے
میں ہوں نبیؐ کا مدح سرا تیرے فضل سے
Ya Rab! Mili mujhe yeh nawa tere fazl se
Main hoon Nabiؐ ka madah sara tere fazl se
تیرے حبیبِؐ پاک کی توصیف اور میں
جو کچھ کیا وہ میں نے کیا تیرے فضل سے
Tere Habeebؐ e pak ki tauseef aur main
Jo kuch kiya woh maine kiya tere fazl se
دامانِ احتیاط نہ چھوڑا بساط بھر
پاسِ حدود مجھ کو رہا تیرے فضل سے
Daman e ehtiyaat na chhoda basat bhar
Paas e hudood mujh ko raha tere fazl se
لغزش اگر ہوئی ہو کوئی اس کے باوجود
ہوں خواستگارِ عفوِ خطا تیرے فضل سے
Laghzish agar hui ho koi is ke bawajood
Hoon khwastgar e affu e khata tere fazl se
آخر میں یہ دعا ہے کہ اے ربِّ ذوالجلال
مقبول ہو یہ رنگِ ثنا تیرے فضلِ سے
Aakhir mein yeh dua hai ke aye Rab e zuljalal
Maqbool ho yeh rang e sana tere fazl se
Share This Naat
Share with friends and family
یا رب! ملی مجھے یہ نوا تیرے فضل سے
حفیظ تائب