Manqabat
اجمیر چلو اجمیر چلو دربار لگا ہے خواجہ کا
اجمیر چلو اجمیر چلو دربار لگا ہے خواجہ کا
رندو اپنے ساغر بھر لو میخانہ سجا ہے خواجہ کا
Ajmer chalo Ajmer chalo darbar laga hai Khwaja ka
Rindu apne saghar bhar lo maikhana saja hai Khwaja ka
سلطان الہند کو حاصل ہے طیبہ سے ولایت کی ڈگری
بھارت میں چپہ چپہ پر کیا رنگ جما ہے خواجہ کا
Sultan al hind ko hasil hai taybah se wilayat ki degree
Bharat mein chappa chappa par kya rang jama hai Khwaja ka
کشمیر سے لے کر کیرل تک ہر سمت تھے ظلمت کے سائے
توحید کی لَے پر ہند میں تب نقارہ بجا ہے خواجہ کا
Kashmir se le kar Kerala tak har simt the zulmat ke saaye
Tauheed ki laye par hind mein tab naqara baja hai Khwaja ka
مذہب تو جدا ہے ہر ایک کا پر جذبِ عقیدت یکساں ہے
ہندو مسلم عیسائی سکھ ہر شخص گدا ہے خواجہ کا
Mazhab to juda hai har aik ka par jazb-e-aqeedat yaksaan hai
Hindu Muslim Eesai Sikh har shakhs gada hai Khwaja ka
توحید کی مے ہو بغدادی پینے کو جام ہے اجمیری
جی بھر کے پیو اے مستانو کیا دور چلا ہے خواجہ کا
Tauheed ki may ho Baghdadi peene ko jaam hai Ajmeri
Ji bhar ke piu ae mastano kya dour chala hai Khwaja ka
کیوں شرمائیں کیوں گھبرائیں کیوں دل کو ہم ہلکان کریں
اے عاصیو دوڑو بخشش کو دروازہ کھلا ہے خواجہ کا
Kyun sharmaayein kyun ghabraayein kyun dil ko hum halkan karein
Ae aasiyo douro bakhshish ko darwaza khula hai Khwaja ka
نظمی بھی غلامِ خواجہ ہے خواجہ کا ہی دم بھرتا ہے
پشتینی غلامی کا اس کو تمغہ یہ ملا ہے خواجہ کا
Nazmi bhi ghulam-e-Khwaja hai Khwaja ka hi dam bharta hai
Poshteeni ghulami ka is ko tamgha ye mila hai Khwaja ka
Share This Naat
Share with friends and family
اجمیر چلو اجمیر چلو دربار لگا ہے خواجہ کا
سید آل رسول حسنین میاں برکاتی نظمی