Manqabat
چرچا ہے جہاں میں تری تسلیم و رضا کا
چرچا ہے جہاں میں تری تسلیم و رضا کا
زیبا ہے لقب تجھ کو امام الشہدا کا
Charcha hai jahan mein teri tasleem o raza ka
Zeba hai laqab tujh ko Imam-ush-shuhda ka
نازِ بشریت ہے ترا سجدہء آخر
رخ پھیر دیا جس نے زمانے کی ہوا کا
Naz-e-Bashriyat hai tera sajdah-e-akhir
Rukh pher diya jis ne zamane ki hawa ka
نذرانہ ء جاں پیش کیا دین کی خاطر
تو باب نیا کھول گیا صدق و صفا کا
Nazrana-e-jaan paish kiya deen ki khatir
Tu bab naya khol gaya sidq o safa ka
ہر عہد میں خوشبو ہے تری موجِ نفس کی
ہر عصر میں جلوہ ہے ترے رنگِ قبا کا
Har ehad mein khushboo hai teri mauj-e-nafas ki
Har asr mein jalwa hai tere rang-e-quba ka
حق گوئی و ثابت قدمی تیری مثالی
خوں تیری رگوں میں تھا روا ں شیرِ خدا کا
Haq goyi o sabit qadmi teri misaali
Khoon teri ragon mein tha rawan Sher-e-Khuda ka
دنیا میں جدا ہے ترا اندازِ شہادت
جاں دینا تھا گو شیوہ سدا اہلِ وفا کا
Duniya mein juda hai tera andaaz-e-shahadat
Jaan dena tha go shiwa sada ahl-e-wafa ka
جس شام کئی چاند تھے کربل کی زمین پر
اترا ہوا کیوں چہرہ تھا کوفے کی فضا کا
Jis shaam kayi chaand the Karbala ki zameen par
Utra hua kyun chehra tha Kufay ki fiza ka
کیا بات ترے فرقِ شفق رنگ کی مولا
کیا کہنا ہے تیرے لبِ قرآن سرا کا
Kya baat tere farq-e-shafaq rang ki Maula
Kya kehna hai tere lab-e-Quran sara ka
Share This Naat
Share with friends and family
چرچا ہے جہاں میں تری تسلیم و رضا کا
حفیظ تائب