عجب سرورِ صدا اُس کا دھیان دیتا ہے
بلال کعبے میں گویا اذان دیتا ہے
Ajab sarur-e-sida uss ka dhyan deta hai
Bilal kabay mein goya azan deta hai
جلائے دھوپ مجھے جب مِرے گناہوں کی
درود ابر کی چادر سی تان دیتا ہے
Jalay dhoop mujhe jab miray gunahon ki
Darood abr ki chadar si tan deta hai
مِری طلب ہےاُسی کے کرم سے وابستہ
جو ایک وقت میں دونوں جہان دیتا ہے
Miray talabb hai usi ke karam se wabasta
Jo aik waqt mein dono jahan deta hai
زہے نصیب میسر ہے اُس کا پیار مجھے
جو دشمنوں کو بھی اپنے امان دیتا ہے
Zahe naseeb mayassar hai uss ka pyar mujhe
Jo dushmanon ko bhi apne aman deta hai
نشانِ پا بھی ہیں اُس کے ، عروج کا زینہ
زمیں نشین کو وہ آسمان دیتا ہے
Nishan-e-pa bhi hain uske, urooj ka zeena
Zameen nasheen ko woh asman deta hai
کرے شکار جو دِل کو بغیر تیروں کے
اسی کے ہاتھ میں اپنی کمان دیتا ہے
Karay shikar jo dil ko baghair teeron ke
Usi ke hath mein apni kaman deta hai
جو اپنے پیٹ سے فاقوں میں باندھ کر پتھر
ضعیف کو بھی ارادے جوان دیتا ہے
Jo apne pait se faaqon mein band kar pathar
Zaeef ko bhi iradey jawan deta hai
کروں جو یاد اُسے سب کثافتیں مٹ جائیں
خیال اُس کا عقیدے کو چھان دیتا ہے
Karun jo yaad usay sab kasafatein mit jaayein
Khyal us ka aqeede ko chaan deta hai
مِرے کلام کو شہرت بھی دے رہا ہے وہی
جو پتھروں کو مظفر زبان دیتا ہے
Miray kalam ko shohrat bhi de raha hai wohi
Jo patharon ko Muzaffar zaban deta hai
Share This Naat
Share with friends and family
عجب سرورِ صدا اُس کا دھیان دیتا ہے
مظفر وارثی