اج رب نے کملی والے نوں عرشاں تے بلاؤنا گج وج کے
چُپ کر کے یار نوں سدناں ایں معراج مناؤنا گج وج کے
Aj Rab ne kamli walay nu arshan te bulauna gaj waj ke
Chup kar ke yaar nu sadna ae miraaj manauna gaj waj ke
رب آکھیا جا جبریل ذرا ، دس دویں فرشتیاں ساریاں نوں
گھر غیر دے نہیں گھر اپنے وچ اج یار نے آؤنا گج وج کے
Rab akhya ja Jibreel zara, dass duwein farishtiyan sariyan nu
Ghar gher de nahin ghar apne vich aj yaar ne auna gaj waj ke
اج ویکھن اؤناں سوہنے نے تھاں اپنی پیاری اُمت دی
جا آکھ دے سبھناں حُوراں نوں جنّت نوں سجاؤنا گج وج کے
Aj wekhon onan sohnay ne than apni pyari ummat di
Ja akh de sabhnan hooran nu jannat nu sajauna gaj waj ke
خود پھڑیں لگام ! رکاباں تے پر اسرافیل وچھا دیوے
براق تے عربی ماہی نوں اسوار کراؤنا گج وج کے
Khud pharen lagaam! Rakaaban te par Israfeel vichha deve
Buraaq te arbi mahi nu aswaar karauna gaj waj ke
حُوراں نوں کھلہار کے دونہ طرفیں راہواں چہ وچھائیں تاریاں نوں
مہمان میرے نوں سدرہ تک مہمان بناؤنا گج وج کے
Hooran nu khulhar ke donha tarfareen rahwan che vichaen taariyan nu
Mehman mere nu Sidra tak mehman banauna gaj waj ke
افلاک تے راہ پئے دیہندے نے محبوب مرے دا پیغمبر
ہر منزل تے رُک سبھناں نوں دیدار کراؤنا گج وج کے
Aflak te raah paye dehenday ne mehboob mere da paighambar
Har manzil te ruk sabhnan nu deedar karauna gaj waj ke
آج چابی کُل خزانیاں دی ہاتھ دے کے یار دے اے صائم
دو عالم دا اج سوہنے نوں مُختار بناؤنا گج وج کے
Aaj chaabi kul khazaanyan di hath de ke yaar de ae Saaim
Do aalam da aj sohnay nu mukhtar banauna gaj waj ke
Share This Naat
Share with friends and family
اج رب نے کملی والے نوں عرشاں تے بلاؤنا گج وج کے
علامہ صائم چشتی