اج ماہی میرا عرشاں تے معراج مناون چَلّیا اے
اِس سُتّی ہُوئی امّت دی قسمت نوں جگاون چلیّا اے
Aj maahi mera arshaan te miraaj manaun challia ae
Is suti hoyi ummat di qismat nu jagavan challia ae
اللہ نوں اپنی امّت دے دُکھ درد سناون چلیّا اے
نالے دید دے پیاسے عرشیاں نوں دیدار کراون چلیّا اے
Allah nu apni ummat de dukh dard sanavan challia ae
Naale deed de pyaase arshiyaan nu deedaar karaavan challia ae
اوہ محرم راز حقیقت دا سر پہن کے تاج شفاعت دا
اج راتو راتیں بن ٹھن کے امت بخشاون چلّیا اے
Oh mehrem raaz haqeeqat da sir pehn ke taaj-e-shafaat da
Aj raat-o-raatee ban than ke ummat bakhshaavan challia ae
اٹھو او خوش قسمت بیمارو سنو او خوش بخت گنہگارو
محبوب خدا بد کاراں دی بگڑی نوں بناون چلّیا اے
Utho o khush qismat beemaaro, suno o khush bakht gunahgaaro
Mehboob Khuda bad karaan di bigdi nu banaavan challia ae
اوتھے طُور دے اُتّے موسیٰؑ نوں سی حکم نعلین اتارن دا
ایتھے جوڑیاں نال حبیب ساڈا اج عرش سجاون چلّیا اے
Othe Toor de utte Moosa (A.S.) nu si hukum nalain utaran da
Ithe jordiyaan naal Habeeb saada aj arsh sajaavan challia ae
جِنّھوں لو کی خاکی آکھدے سَن جنّھوں اپنے ورگا جان دے سن
اوہ خاکی دیکھو نُوریاں نوں اج سبق پڑھاون چلّیا اے
Jinhu loki khaaki aakhde san jinhu apne warga jaan de san
Oh khaaki dekho nooriyan nu aj sabaq padhaavan challia ae
اعظم معراج بہانہ اے دراصل اوہ والی عرشاں دا
دو نہہ نوراں نوں اک جا کر کے اَج دُوئی مٹاون چلّیا اے
Azam miraaj bahaana ae darasal oh Wali arshaan da
Do nahe nooraan nu ik ja kar ke aj doi mitaavan challia ae
Share This Naat
Share with friends and family
اج ماہی میرا عرشاں تے معراج مناون چَلّیا اے
محمد اعظم چشتی