ایسے مریض کا بھری دُنیا میں کیا علاج
جس پر نہ ہو نبیؐ کی نظر وہ ہے لاعلاج
Aise mareez ka bhari duniya mein kya ilaaj
Jis par na ho Nabiؐ ki nazr woh hai laa ilaaj
دُنیا میں کبر ہے مرض از بس کی لا علاج
ممکن ہُوا نہ عِلم سے بُوجَہل کا علاج
Duniya mein kibr hai marz az bas ki laa ilaaj
Mumkin huwa na ilm se bujahil ka ilaaj
بس اک جھلک ہی اُن کی، مِرے حق میں ہے شِفا
کہتا ہے کون دردِ محبت ہے لاعلاج
Bas ek jhalak hi un ki, mere haq mein hai shifa
Kehta hai kaun dard-e-mohabbat hai laa ilaaj
فرقت میں سَر پٹکنے لگا پھر مریضِ عشق
اِس کے علاوہ اور کوئی ہے، نہ تھا علاج
Furqat mein sar patakne laga phir mareez-e-ishq
Is ke ilawa aur koi hai, na tha ilaaj
دل کی جلن مِٹانہ سکیں گے یہ چارہ ساز
بے سُود اِس مرض میں ہے ہر اک دوا، علاج
Dil ki jalan mitana saken ge yeh chara saaz
Be sood is marz mein hai har ek dawa, ilaaj
بیمارِ آرزوئے مدینہ کا ہے یہ حال
اِس کا کوئی نہیں ترے در کے سِوا علاج
Beemar-e-aarzu-e-Madina ka hai yeh hal
Is ka koi nahi tere dar ke siwa ilaaj
دل چاہتا ہے گُنبدِ خَضرٰی ہو سامنے
یاوَر نہ ہو نصیب تو پھر اِس کا کیا علاج
Dil chahta hai gunbad-e-khazra ho samne
Yawar na ho naseeb to phir is ka kya ilaaj
شوقِ سُجود میں اِسے پَل بھر نہیں قرار
اب ہے مِری جبیں کا درِ مصطفیٰؐ، علاج
Shauq-e-sujood mein ise pal bhar nahi qarar
Ab hai meri jabeen ka dar-e-Mustafaؐ, ilaaj
اللہ نے کیا ہے عطا دردِ دل نصیرؔ
خاکِ درِ رسولؐ ہے بس آپ کا علاج
Allah ne kya hai ata dard-e-dil Naseerؔ
Khaak-e-dar-e-Rasoolؐ hai bas aap ka ilaaj
Share This Naat
Share with friends and family
ایسے مریض کا بھری دُنیا میں کیا علاج
سید نصیرالدیں نصیر