راہیا سوہنیا مدینے وچہ جا کے تے میرا وی سلام آکھ دئیں
سوہنے روضے اگے سر نوں جھکا کے تے میرا وی سلام آکھ دئیں
Raahiyan sohnia Madine vich ja ke te mera vi salam aakh daieen
Sohnay roza agay sar nu jhka ke te mera vi salam aakh daieen
گھڑی حاضری دی جس ویلے آوے گی سونہہ رب دی خدائی مل جاوے گی
اوتھے ہنجواں دے ہار بنا کے تے میرا وی سلام آکھ دئیں
Ghari hazri di jis vele aave gi sonah rab di khudai mil jaave gi
Othe hanjwaan de haar bana ke te mera vi salam aakh daieen
دس پین گے نظارے تینوں نور دے، نیڑے جس ویلے ہوویں گا حضورؐ دے
جالی چُم کے سینے دے نال لا کے تے میرا وی سلام آکھ دئیں
Das pain ge nazare tenoon noor de, neray jis vele hovein ga Huzoor(ﷺ) de
Jaali chum ke sine de naal la ke te mera vi salam aakh daieen
اوہناں پتھراں توں لوکی جند واردے جنہاں چُم لے پیر سرکار دے
اوہناں پتھراں دے پیریں ہتھ لا کے تے میرا وی سلام آکھ دئیں
Ohnan pathraan toon loki jand waarday jinan chum le pair Sarkar de
Ohnan pathraan de pairein hath la ke te mera vi salam aakh daieen
جا کے ویکھیں اُہدی مٹی خوش نصیب نوں جنہے لوریاں سُنائیاں سی حبیب نوں
متھے اتے اوس مٹی نوں سجا کے تے میرا وی سلام آکھ دئیں
Ja ke vekhein ohdi mitti khush naseeb nu jinay loriyaan sunaiyaan si Habib nu
Mathay ute os mitti nu saja ke te mera vi salam aakh daieen
سکھ چین اوہ ظہوریؔ ساڈی جان دا روضہ رب دے حبیب عالیشان دا
اوہدی چھانویں دُکھ اپنا سُنا کے تے میرا وی سلام آکھ دئیں
Sukh chain oh Zahoori saadi jaan da roza Rab de Habib aali shaan da
Ohdi chaanvein dukh apna suna ke te mera vi salam aakh daieen
Share This Naat
Share with friends and family
راہیا سوہنیا مدینے وچہ جا کے تے میرا وی سلام آکھ دئیں
محمد علی ظہوری