ایسا تجھے خالق نے طرح دار بنایا
یوسف کو ترا طالب دیدار بنایا
Aisa tujhe khalq ne tarah dar banaya
Yusuf ko tera talib e didar banaya
طلعت سے زمانہ کو پراَنوار بنایا
نکہت سے گلی کوچوں کو گلزار بنایا
Tal'at se zamana ko pur'anwar banaya
Nikat se gali kuchon ko gulzar banaya
دیواروں کو آئینہ بناتے ہیں وہ جلوے
آئینوں کو جن جلوؤں نے دیوار بنایا
Deewaron ko aina banate hain wo jalwe
Ainon ko jin jalwon ne deewar banaya
وہ جنس کیا جس نے جسے کوئی نہ پوچھے
اس نے ہی مرا تجھ کو خریدار بنایا
Wo jins kya jisne jise koi na poochhe
Usne hi mera tujh ko kharidar banaya
اے نظم رسالت کے چمکتے ہوئے مقطع
تو نے ہی اِسے مطلعِ اَنوار بنایا
Ae nazm e risalat ke chamakte huye maqt'a
Tu ne hi ise matla e anwar banaya
کونین بنائے گئے سرکار کی خاطر
کونین کی خاطر تمہیں سرکار بنایا
Kownain banaye gaye sarkar ki khatir
Kownain ki khatir tumhe sarkar banaya
کنجی تمہیں دی اپنے خزانوں کی خدا نے
محبوب کیا مالک و مختار بنایا
Kunji tumhe di apne khazanon ki Khuda ne
Mahboob kiya malik o mukhtar banaya
اللہ کی رحمت ہے کہ ایسے کی یہ قسمت
عاصی کا تمہیں حامی و غمخوار بنایا
Allah ki rehmat hai ke aise ki ye kismat
Aasi ka tumhe hami o ghamkhwar banaya
آئینۂ ذات احدی آپ ہی ٹھہرے
وہ حسن دیا ایسا طرح دار بنایا
Aina e zat e Ahadi aap hi thehre
Wo husn diya aisa tarah dar banaya
اَنوارِ تجلی سے وہ کچھ حیرتیں چھائیں
سب آئینوں کو پشت بدیوار بنایا
Anwar e tajalli se wo kuch hairatein chhai
Sab ainon ko pusht be deewar banaya
عالم کے سلاطین بھکاری ہیں بھکاری
سرکار بنایا تمہیں سرکار بنایا
Aalam ke Salateen bhikari hain bhikari
Sarkar banaya tumhe sarkar banaya
گلزار کو آئینہ کیا مونھ کی چمک نے
آئینہ کو رخسار نے گلزار بنایا
Gulzar ko aina kiya moonh ki chamak ne
Aina ko rukhsar ne gulzar banaya
یہ لذتِ پابوس کہ پتھر نے جگر میں
نقش قدمِ سید اَبرار بنایا
Ye lazzat e pabos ke pathar ne jiger mein
Naqsh e qadam e Syed e Abrar banaya
خدام تو بندے ہیں ترے خلق حسن نے
پیارے تجھے بدخواہ کا غمخوار بنایا
Khuddam to bande hain tere khalq e husn ne
Pyare tujhe badkhwaah ka ghamkhwar banaya
بے پردَہ وہ جب خاک نشینوں میں نکل آئے
ہر ذَرَّہ کو خورشید پُراَنوار بنایا
Be parda wo jab khaak nasheenon mein nikal aaye
Har zarra ko Khursheed e pur'anwar banaya
اے ماہِ عرب مہر عجم میں تِرے صدقے
ظلمت نے مِرے دن کو شب تار بنایا
Ae Mah e Arab Mehr e Ajam mein tere sadqe
Zulmat ne mere din ko shab e taar banaya
لِلّٰہ کرم میرے بھی ویرانۂ دل پر
صحرا کو تِرے حسن نے گلزار بنایا
Lillah karam mere bhi veerana e dil par
Sehra ko tere husn ne gulzar banaya
اللہ تعالیٰ بھی ہوا اس کا طرفدار
سرکار تمہیں جس نے طرفدار بنایا
Allah ta'ala bhi hua is ka tarfdar
Sarkar tumhe jisne tarafdar banaya
گلزارِ جناں تیرے لئے حق نے بنائے
اپنے لئے تیرا گل رُخسار بنایا
Gulzar e jannat tere liye Haq ne banaye
Apne liye tera gul rukhsar banaya
بے یار و مددگار جنہیں کوئی نہ پوچھے
ایسوں کا تجھے یار و مددگار بنایا
Be yaar o madadgar jinhe koi na poochhe
Aeson ka tujhe yaar o madadgar banaya
ہر بات بداَعمالیوں سے میں نے بگاڑی
اور تم نے مِری بگڑی کو ہر بار بنایا
Har baat bud' amaliyion se maine bigadi
Aur tum ne meri bigri ko har baar banaya
اُس جلوہ ٔ رنگیں کا تصدق تھا کہ جس نے
فردوس کے ہر تختہ کو گلزار بنایا
Us jalwa e rangeen ka tasadduq tha ke jisne
Firdous ke har takhta ko gulzar banaya
ان کے دُرِ دَنداں کا وہ صدقہ تھا کہ جس نے
ہر قطرۂ نیساں دُرِّ شہوار بنایا
Un ke dur e dandan ka wo sadqa tha ke jisne
Har qatra e naisan dur e shuhwar banaya
اس رُوحِ مجسم کے تبرک نے مسیحا
جاں بخش تمہیں یوں دَمِ ُگفتار بنایا
Is ruh e mujassim ke tabaruk ne Masiha
Jan bakhsh tumhe yun dam e guftaar banaya
اس چہرۂ پر نور کی وہ بھیک تھی جس نے
مہر و مہ و انجم کو پُراَنوار بنایا
Is chehre e pur nur ki wo bheek thi jis ne
Mehr o mah o anjum ko pur'anwar banaya
ان ہاتھوں کا جلوہ تھا یہ اے حضرتِ موسیٰ
جس نے ید بیضا کو ضیا بار بنایا
In hathon ka jalwa tha ye ae hazrat e Musa
Jis ne yad e baisa ko zia bar banaya
ان کے لب رنگیں کی نچھاور تھی وہ جس نے
پتھر میں حسنؔ لعل پُراَنوار بنایا
Un ke lab e rangeen ki nichhawar thi wo jis ne
Patthar mein Hasan laal e pur'anwar banaya
Share This Naat
Share with friends and family
ایسا تجھے خالق نے طرح دار بنایا
حسن رضا خان