ایسا شہ پارہ مجسم کر دیا خلاق نے
آپ جیسا دلربا دیکھا نہیں آفاق نے
Aisa shah para mujassam kar diya khallaq ne
Aap jaisa dilruba dekha nahin aafaq ne
ماں نے میرے قلب پر پھونکا تھا اسمِ مصطفیٰ
سینت کر رکھا ہوا ہے قلب کے اوراق نے
Maan ne mere qalb par phoonka tha ism-e-Mustafa
Seent kar rakha hua hai qalb ke auraaq ne
تیرہ و تاریک تھا ظلمت کدہ تھا یہ جہاں
کر دیا روشن شہِ کونین کے اشراق نے
Teera o tareek tha zulmat kada tha yeh jahan
Kar diya roshan shah-e-konain ke ashraq ne
کیجئے نعمت عطا اپنی محبت کی مجھے
قاسمِ نعمت چنا ہے آپ کو رزاق نے
Kijiye naimat ata apni muhabbat ki mujhe
Qasim-e-naimat chuna hai aap ko razzaq ne
چوم کر بزمِ تصور میں قدومِ مصطفیٰ
حاضری کا لطف حاصل کر لیا عشاق نے
Choom kar bazm-e-tasawwur mein qadoom-e-Mustafa
Haazri ka lutf hasil kar liya ushaaq ne
دشمنانِ جاں فدائی بن گئے سرکار کے
معجزہ ایسا دکھایا آپ کے اخلاق نے
Dushmanan-e-jaan fidaai ban gaye sarkar ke
Mo'jiza aisa dikhaya aap ke ikhlaq ne
کاش ہوں مقبول تیری بارگہ میں یا نبی
لفظ جو لکھے ہیں تیری نعت کے اشفاقؔ نے
Kaash hoon maqbool teri bargah mein ya Nabi
Lafz jo likhe hain teri naat ke Ashfaq ne
Share This Naat
Share with friends and family
ایسا شہ پارہ مجسم کر دیا خلاق نے
اشفاق احمد غوری