ہر ایک جلوہ ہے پنہاں ہمارے سینے میں
مدینہ دل میں ہے سرکارؐ ہیں مدینے میں
har aik jalwa hai panhan humare seenay mein
madina dil mein hai sarkarؐ hain madine mein
ہیں اس سفینے سے خائف بھنور بھی طوفاں بھی
تمہیں پکارنے والے ہیں جس سفینے میں
hain is safine se khaif bhanwar bhi toofaan bhi
tumhain pukarne wale hain jis safine mein
یہ دل ہے عرش الہٰی ہے انکی منزل ہے
ہے کائنات کا حاصل اسی نگینے میں
ye dil hai arsh elahi hai inki manzil hai
hai kainaat ka hasal isi nigeene mein
نثار عشق ِ محمد ؐ جراحتوں کے چمن
کھِلا ہے گلشنِ جنت ہمارے سینے میں
nisar ishq-e-Mohammadؐ jarahatoun ke chaman
khila hai gulshan-e-jannat humare seenay mein
ترے فقیر کی جھولی رہے گی کیوں خالی
ہے دو جہاں کا خزانہ ترے خزینے میں
tare faqir ki jholi rahe gi kyu khaali
hai do jahan ka khazana tare khazine mein
کمالِ حُسنِ تصور بھی ہے کرم ان کا
کہ دور رہ کے بھی رہتے ہیں ہم مدینے میں
kamal-e-husn-e-tasawwur bhe hai karam un ka
ke dur reh ke bhi rehte hain hum madine mein
مری حیات کے بکھرے ہوئے ہیں سب اجزا
حضورؐ آئیں تو آجائیں گے قرینے میں
mari hayat ke bikhre huye hain sab ajza
huzoorؐ aayen to aa jayenge qareene mein
بہار ساز ہیں خوشبو نواز گل پرور
وہ نکہتیں جو ہیں سرکارؐ کے پسینے میں
bahaar saz hain khushbu nawaz gul parwar
woh nikhatein jo hain sarkarؐ ke paseene mein
کر م ہو ان کا تو جائیں مدینے ہم خالدؔ
بہار لوٹیں کرم کی سدا مدینے میں
karm ho un ka to jayein madine hum Khalidؔ
bahar laut ker karam ki sada madine mein
Share This Naat
Share with friends and family
ہر ایک جلوہ ہے پنہاں ہمارے سینے میں
خالد محمود خالد