آہ اب وقتِ رخصت ہے آیا
الوداع آہ شاہِ مدینہ
Aah ab waqt-e-ruqsat hai aaya
Alvida aah Shah-e-Madina
صدمۂ ہِجر کیسے سہوں گا
الوداع آہ شاہِ مدینہ
Sadma-e-hijr kaisay sahoon ga
Alvida aah Shah-e-Madina
بے قراری بڑھی جا رہی ہے
ہِجر کی اب گھڑی آ رہی ہے
Bay qarari barri ja rahi hai
Hijr ki ab ghari a rahi hai
دل ہوا جاتا ہے پارہ پارہ
الوداع آہ شاہِ مدینہ
Dil hua jata hai para para
Alvida aah Shah-e-Madina
کس طرح شوق سے میں چلا تھا
دل کا غُنچہ خوشی سے کِھلا تھا
Kis tarah shauq se main chala tha
Dil ka ghuncha khushi se khila tha
آہ! اب چُھوٹتا ہے مدینہ
الوداع آہ شاہِ مدینہ
Aah! Ab chhoot'ta hai Madina
Alvida aah Shah-e-Madina
کُوئے جاناں کی رنگیں فَضاؤ!
اے معطَّر مُعَنبر ہواؤ!
Koo-e-janan ki rangeen fazao!
Ae mutattar muanbar hawaao!
لو سلام آخِری اب ہمارا
الوداع آہ شاہِ مدینہ
Lo salam aakhri ab hamara
Alvida aah Shah-e-Madina
کاش! قسمت مِرا ساتھ دیتی
موت بھی یاوَری میری کرتی
Kaash! Qismat mira saath deti
Maut bhi yawari meri karti
جان قدموں پہ قربان کرتا
الوداع آہ شاہِ مدینہ
Jaan qadmon pe qurban karta
Alvida aah Shah-e-Madina
سوزِ الفت سے جلتا رہوں میں
عشق میں تیرے گُھلتا رہوں میں
Soz-e-ulfat se jalta rahoon main
Ishq mein tere ghulta rahoon main
چاہے دیوانہ سمجھے زمانہ
الوداع آہ شاہِ مدینہ
Chaahay deewana samjhe zamana
Alvida aah Shah-e-Madina
میں جہاں بھی رہوں میرے آقا
ہو نظر میں مدینے کا جلوہ
Main jahan bhi rahoon mere aaqa
Ho nazar mein Madine ka jalwa
التجا میری مقبول فرما
الوداع آہ شاہِ مدینہ
Iltija meri maqbool farma
Alvida aah Shah-e-Madina
کچھ نہ حُسنِ عمل کر سکا ہوں
نَذر چند اشک میں کر رہا ہوں
Kuch na husn-e-amal kar saka hoon
Nazr chand ashk main kar raha hoon
بس یِہی ہے مِرا کُل اَثاثہ
الوداع آہ شاہِ مدینہ
Bas yehi hai mera kul asasa
Alvida aah Shah-e-Madina
آنکھ سے اب ہوا خون جاری
روح پر بھی ہوا رنج طاری
Aankh se ab hua khoon jari
Rooh par bhi hua ranj taari
جلد عطارؔ کو پھر بلانا
الوداع آہ شاہِ مدینہ
Jald Attar ko phir bulana
Alvida aah Shah-e-Madina
Share This Naat
Share with friends and family
آہ اب وقتِ رخصت ہے آیا
الیاس عطار قادری