اگر ہے عشق کا دعوٰی تو خوفِ امتحاں کیسا
لگی ہو عشق کی آتش تو پھر اُس میں دھواں کیسا
Agar hai ishq ka daawa to khauf-e-imtihaan kaisa
Lagi ho ishq ki aatish to phir uss mein dhuaan kaisa
خُدا محمود کے منصب پہ جب اُنْ کو بٹھائے گا
تو اہلِ حشر دیکھیں گے کہ ہوگا وہ سماں کیسا
Khuda Mahmood ke mansab pe jab un ko bithaaye ga
To ahl-e-hashr dekhenge ke hoga wo samaan kaisa
بُلا کر پاس ’’ادنیٰ‘‘ پر جنہیں دِکھلا دیا جلوہ
رہا اُن سے بھلا اوجھل کوئی رازِ نہاں کیسا
Bula kar paas "adna" par jinhein dikhla diya jalwa
Raha un se bhala ojhal koi raaz-e-nihaan kaisa
غُلاموں کی بھلا اپنی کوئی مرضی بھی ہوتی ہے؟
جو ہیں اُن کی غُلامی میں تو پھر چُون و چراں کیسا
Ghulaamon ki bhala apni koi marzi bhi hoti hai?
Jo hain un ki ghulami mein to phir chon o chraan kaisa
رہِ عشق و محبّت میں تو غم آتے ہیں پے در پے
جو اِس رہ کے مُسافر ہو تو پھر رنجِ زیاں کیسا
Rahi ishq o mohabbat mein to gham aate hain pe dar pe
Jo is rah ke musaafir ho to phir ranj-e-zayaan kaisa
وہ جس در پر سلامی کو فرشتوں کا رہے آنا
تو ہوگا وہ منوّر اور مُعطّر آستاں کیسا
Wo jis dar par salaami ko farishton ka rahe aana
To hoga wo manawwar aur muattar aastan kaisa
کبوتر خوش مُقدّر ہیں کہ رہتے ہیں وہ روضے پر
ذرا حسرت سے دیکھیں تو ، ہے اُن کا آشیاں کیسا
Kabootar khush muqaddar hain ke rehte hain wo roza pe
Zara hasrat se dekhen to, hai un ka aashiyaan kaisa
جو لےکر اُن کی یادوں کو اُتر جاتے ہیں قبروں میں
تو دیکھیں نُور برساتا ہے اُن پر آسماں کیسا
Jo le kar un ki yaadon ko utar jaate hain qabron mein
To dekhen noor barsaata hai un par aasmaan kaisa
جو اپنا جینا مرنا ہی اُنہی کے نام کر ڈالا
تو سوچوں میں جلیل اپنی ، رہے سُود و زیاں کیسا
Jo apna jeena marna hi unhi ke naam kar daala
To sochon mein Jaleel apni, rahe sood o ziayaan kaisa
Share This Naat
Share with friends and family
اگر ہے عشق کا دعوٰی تو خوفِ امتحاں کیسا
حافظ عبدالجلیل