اَب کہاں حشر میں اندیشہء رُسوائی ہے
آنکھ اللہ کے مَحبُوب کی بَھر آئی ہے
Ab kahaan hashar mein andeshah-e-ruswai hai
Aankh Allah ke Mahboob ki bhar aai hai
یا مُحمّدؐ وہ تِری شانِ دِل آرائی ہے
جس کا شَیدا ہے خدا خلق تمنّاَ ئی ہے
Ya Muhammad ﷺ wo teri shan-e-dil arayi hai
Jis ka shaida hai Khuda khalaq tamannayi hai
عِشق کی اَور کہَاں ایسی پذیرائی ہے
آ اِدھر آ یہ مدینے سے صَدا آئی ہے
Ishq ki aur kahaan aisi pazeerai hai
Aa idhar aa yeh madine se sada aai hai
ہر خوشی ایک ہی نقطے پہ سمِٹ آئی ہے
جب توجّہ مِرے سرکارؐ نے فرمائی ہے
Har khushi ek hi nuqte pe simat aai hai
Jab tawajjo mere Sarkar ﷺ ne farmai hai
وسعتوں کو تری رحمت نے دِیا ہے مفہوم
قربِ قوسَین ترے اَوج کی انگڑائی ہے
Wusatoun ko teri rehmat ne diya hai mafoom
Qurb-e-qosain tere aoj ki angdaai hai
عرش بھی اس کے لیے فرش ہوا جاتا ہے
جِس نے سرکارؐ کے قدموں میں جگہ پائی ہے
Arsh bhi us ke liye farsh hua jata hai
Jis ne Sarkar ﷺ ke qadmoon mein jagah pai hai
زندگی مُردہ ضمیروں کو عطَا فر مادی
کتنی اعلیٰ مرے آقا کی مسیحائی ہے
Zindagi murda zameeron ko ataa farma di
Kitni aala mere aaqa ki maseehaai hai
سر جُھکایا تو مدینہ ہی مقابل پا یا
کتنی مقبول محبّت کی جبیں سائی ہے
Sar jhukaya to madina hi muqabil paya
Kitni maqbool muhabbat ki jabeen saai hai
وعدہ بخششِ اُمّت بھی تھا کافی ، لیکن
اے خدا تو نے مُحمدؐ کی قسم کھَائی ہے
Wada bakhshish-e-ummat bhi tha kafi, lekin
Ae Khuda tu ne Muhammad ﷺ ki kasam khai hai
اپنے دامن میں چُھپا لیں گے شفیعِ محشر
کب غُلاموں کی گوارا اُنہیں رُسوائی ہے
Apne daman mein chhupa lenge Shafi'e-mahshar
Kab ghulaamon ki gawara unhein ruswai hai
آپ کو دیکھ کے دیکھا ہے خدا کو سَب نے
آپ کی ذات ہی آئینہ یکتائی ہے
Aap ko dekh ke dekha hai Khuda ko sab ne
Aap ki zaat hi aaina yaktai hai
یہ دَرِ رحمتِ عَالم ہے یہاں پر خالدؔ
قبلِ فریاد ہی فریاد کی شُنوائی ہے
Yeh dar-e-rehmat-e-aalam hai yahan par Khalid
Qabl-e-faryaad hi faryaad ki shunawai hai
Share This Naat
Share with friends and family
اَب کہاں حشر میں اندیشہء رُسوائی ہے
خالد محمود خالد