عاصی ہوں کہاں جاؤں میں سلطان مدینہ
جھولی میں میری ڈال دے رحمت کا خزینہ
Aasi hoon kahaan jaoon main Sultan-e-Madina
Jholi mein meri daal de rehmat ka khazina
ہے مجھ کو قسم حق کی وہی سینہ ہے سینہ
جس سینے میں آباد ہے آقا کا مدینہ
Hai mujh ko qasam haq ki wahi seena hai seena
Jis seenay mein aabaad hai aaqa ka Madina
ہے دل میں میرے اب تو یہی ایک تمنا
ہو دل کی انگوٹھی میں تیرا نام نگینہ
Hai dil mein mere ab tou yahi aik tamanna
Ho dil ki angoothi mein tera naam nageena
دامن کو میرے خود ہی بھریں اپنے کرم سے
آتا ہے کہاں مانگنے کا مجھے کو قرینہ
Daaman ko mere khud hi bharein apne karam se
Aata hai kahaan maangne ka mujhe ko qareena
ایماں ہے یہی میرا یہی میرا عقیدہ
رکھتے ہیں دو عالم کی خبر شاہ مدینہ
Iman hai yahi mera yahi mera aqeeda
Rakhte hain do aalam ki khabar Shah-e-Madina
طوفاں ہے بڑی زور کا اور دور کنارا
لگ جائے کنارے پہ غلاموں کا سفینہ
Toofan hai bari zor ka aur door kinaara
Lag jaye kinaaray pe ghulaamon ka safeena
مانا کہ بڑی خوب ہے عنبر کی بھی خوشبو
بڑھ کر مگر اس سے محمد کا پسینہ
Maana ke bari khoob hai amber ki bhi khushbu
Barh kar magar us se Muhammad ka paseena
سج جاتی ہیں ہر سمت درودوں کی محافل
آ جاتا ہے جب ان کی ولادت کا مہینہ
Saj jaati hain har simt duroodon ki maahafil
Aa jata hai jab un ki wiladat ka maheena
جب تک ہے سلامت میرے سانسوں کی یہ مالا
بجتی ہی رہے من میں تیرے نام کی بینہ
Jab tak hai salaamat mere saanson ki ye maala
Bajti hi rahe man mein tere naam ki beena
اک مرد قلندر نے نیازی یہ کہا تھا
جس دل میں وہ رہتے ہیں وہی دل ہے مدینہ
Ek mard-e-qalandar ne Niazi ye kaha tha
Jis dil mein woh rehte hain wohi dil hai Madina
Share This Naat
Share with friends and family
عاصی ہوں کہاں جاؤں میں سلطان مدینہ
عبدالستار نیازی